تويت
يبن ادم تره كاضي العمر * وأول وتالي تنزل للكبر
لالتغفل * بيدك الحل
وأول وتالي تنزل للكبر
عبره يبنادم اخذ امن الزمن
ياهومات واخذ غير الجفن
وبس الأعمال * خالقك كال
هيه وياك تمشي للحشر
ماينفعك مال لاجاه اواهل
ولاقصورك تكدر اتاخرالاجل
ابغفله يلفيك * وما يتانيك
وتدري ملك الموت لاماينتضر
اتعوف كلشي ابدنيتك رغما عليك
هذا دستور الجليل وموبديك
ابكيفك اختار * جنه لونار
وغيرهن ماكو طريق الينعبر
اتريد جنه لازم اتوالي علي
اولو كلت غيره باجر تنصلي
وكل صلاتك لحد مماتك
ماتنفعك اذا متوالي الطهر
هذا مومني الحجي من الرسول
وحذر الامه من يوم الذهول
وانطه تبيان * عن الايمان
وكال حب حيدر علي بيه تنتصر
اعمل الدنياك جن عايش ابد
واعمل الااخرتك وتلكه السند
حامي الجار * ويه الاطهار
همه درعك من جهنم والجمر
تعليق