تويت
للبقيع ألليله طبت فاطمه وينه اليواسيهه بدموع ودمه
_______________________________
طبت ألليله فاطمة البتول للبقيع وتشتكي لطاه الرسول
أتكله يابويه ماادري شكول وانه عاللوعات صرت أمعلمه
_____________________________________
شحجي يالوعه وهنه اترادفن من هضمهن راحن أعيوني عمن
لواعددهن أشيب انه الزمن وعله حالي بجت أملاك ألسمه _________________________________________
بويه ماسويت صدك كل ذنب حتى حكي أيروح مني وينسلب
وترضه بالنيران داري يلتهب ولونضرت أضلوعي بويه أمهشمه
رضوا أضلوعي يبويه ابلارحم ومني طاح المحسن وحيلي أنهدم
وهظموا الكرار ياراعي القيم والسبب معروف وانته تعلمه
بعدماسلبو يطأه أولايته ردوا وطبروه بويه أبهامته
ونسوا وتناسوا ذيجه وكفته وعالمناصب غدروا أبحامي ألحمه
وهالمسه لوتدري يابويه أشجره بالطشت جبدت أوليدي اموذره
وبالحقد سمته ناس الغادره ونعشه ياطاه بسهام أنرمه
ماكفاهم فتتوا جبد الحسن ابغربه عني وعنك أوليدي اندفن
وراح يشكي لربه من أهل الوثن وراد ثأره أهناك من ألمجرمه
تعليق