تويت
من الشام زينب ردت الليله * طبت كربله والمدمع اتسيله
________________________________
ابياحاله ياويلي اليوم من طبت
خلاهه الوكت محنيه وانهضمت
حين الي ولاهه وللعده انطلبت
ياويلي سليبه وحايره ابعيله
_______________________
خلاهه سليبه وتشكف الضربات
وتحامي اليتامه وتنزف الدمعات
وتنضر للرماح وتجذب الونات
وكل لحظه تنادي الابو وتشكيله
_________________________
طبت كربله وتنادي يامضلوم
خويه اعداك مارحمتنه ياجيدوم
والهسه المتن ياخويه يجري ادموم
وشوف الضعن منهو الي يحاميله
________________________
انضرحال ايتامك يبو الاكبر
ردت ياولينه ابدمعه تتعثر
وصلت كبرك ولوشفت هالمنظر
ابحركه وبهظم للكبر توميله
__________________________
خويه وين مدفون البطل عباس
راعي المرجله راعي الدرع والطاس
مني عتب لازم يسمع النوماس
وعن اهمومي لازم خويه احجيله
___________________________
ياخويه ارد اذكره ابغيرته اوعده
واحجيله الي عدي طول هالمده
وحتى اكدر اعذره من استمع رده
ويم كبر الجفيل ابهظم ابجيله
__________________________
ابو امين الفرطوسي
تعليق