تويت
يالماشين نص الليل ريضوا هدميتوا الحيل
اسالكم واريد اجواب المن هالنعش يطياب
ريضوا هدميتوا الحيل
بالله أريد اسأل يالمشيعين تانوني
علي ديروا الوجه لحضه وأرجوكم تخبروني
المن هالنعش هذا اشو نوره عمه عيوني
اريدن قصته اسمعهه ابحيره لاتخلوني
أشم منه العطور أتفوح :::: لجن واضح عليه مجروح
هذا النعش موخالي :::: من شفته انشده بالي
ريضوا هدميتوا الحيل
ليش أبليل وبسكتة نيتكم تدفنونه
وليش ابلابجي ولانوح نعشكم هالتشيعونه
واشوا حتى النسه ماكو ولاصرخة المحزونه
اخافن منطلب ثارات وكصدكم هالتضيعونه
والله تحيرت بامره :::: لازم اوصل السره
نوره غطه عالظلمه ::: حتى النعش ماضمه
ريضوا هدميتوا الحيل
يهل التنشدنه اسمعنه اذا عندك كلب يصبر
قصة هالنعش قصه ولتصدك اختهه اتمر
تدري ابهالنعش ياهو فاطم بت المبشر
هذه بت رسول الله ظليمه تندفن بالسر
راح احجيلك اشجانت ::: وبعد المصطفى اشعانت
فاطم بالعرش ضئوت ::: ومن بعد النبي انهظمت
ريضوا هدميتوا الحيل
بعد ماجانت ابحاله عليهه الناس تحسدهه
وبعد ذاك الخدر والعز تطيح ومنهو يسندهه
عليهه هجمت الاشرار حين الراح والدهه
واول لوعه شافتهه كل الناس تشهدهه
خذوا من حيدر الكرار ::: حكه ابكل غصب واصرار
ويدرونه لون ايثور ::: ايخلي الكون كله ايفور
ريضوا هدميتوا الحيل
وبعد شحجي يهل التنشد مصيبه حيل اذتهه
اجت نفس الخلك ذيجه والفكدت شهامتهه
ابلاغيره ولارحمه اباب الدار عصرتهه
ابضلعهه نبتوا بسمار بي كربت منيته
وطاح المحسن وشاغت يبويه ابصوتهه وصاحت
وينك ياابو ابراهيم ::: تعال وشوف مسني الضيم
ريضوا هدميتوا الحيل
يالتنشد بعد اسمع كبل متغمض العينين
طلبت وبوصيتهه ايغسلهه ابو الحسنين
وطلبت تندفن بالسر وكبرهه ماتشوف عين
وابوهه هسه ينطرهه وكلبه منفطر نصين
ويالتنشدنه هذا الصار ::: ظلموا بضعة المختار
ولتضن باجر ايخلصون ::: ابيوم المحشر ايدنكون
ريضوا هدميتوا الحيل
كلمات الشاعر ابو امين الفرطوسي
تعليق