تويت
موشح العباس (ع )
ياعلي ريتك تشوف اللي جره
عالنهر مذبوح سبع الكنطره
وبالخيم ايتامه تبجي اتناطره
اتصيح وين الكمر خل يروينه
واه يابويه لون شفت المهر
خالي رد اعلينه وبحر الضهر
يصهل بصوته وحاله منكسر
ايصيح راح الكمر ياوالينه
ايصيح راح الكمر كطعوله الجفوف
وابد مارحمته يابويه السيوف
اشلون حاله ومنضره ريتك تشوف
عالنهر ياحيدره امكطعينه
رايته وجوده ابدمه اتخضبت
وعينه يابو الحمله بمثلث طفت
وجثته عالترب وسفه اتوسدت
وانهضمنه من عكب ساكينه
كلمات ابو امين الفرطوسي
تعليق