تويت
يبو الشدات ولياني عافوني
اجر حسرات والدمعه بعيوني
اجاني الليل * وفكدت الحيل
اجر حسرات والدمعه بعيوني
جنت ياحيدر اممنه ابجال الاخوه والاحباب
يمر ويروح سكته الليل ونسماته عطر واطياب
لجن هليله عاودلي زماني وشد علي احراب
وذكرني ببو الحسنين ابسمار الضلع والباب
بدمع همال ارجاك تحضرني ** فكدت ابطال ولوعاتي تعصرني
وعليه دار * زماني وجار
اجر حسرات والدمعه بعيوني
يبويه لوشفت حالي حين اللي ندهلي البين
وكلي يابنت حيدر اخذت امن الكمر جفين
واخذت الجود والرايه وبسهمي طفيت العين
وتركته عالنهر مذبوح يتنطر وداع احسين
واجه المرسال لخيامي ناداني ** يزينب شال ضعن الاماني
صفكت الايد * وفكدت الحيد
اجر حسرات والدمعه بعيوني
يبويه وشرد اسولفلك حين اللي وكع جسام
طحت وانصاب دلالي أي ياسلوة الايام
وبعدني ابهالوضع بويه ولن اسمع صدى الايتام
يعمه الاكبر اتوذر شبيه المصطفى المقدام
وصحت ياريت عمري كبلهم ** عمد للبيت جانوا لهلهم
وصحت يحسين ** يخي لاوين
اجر حسرات والدمعه بعيوني
حين اللي سمعني حسين ناده بصوته ياحره
هذا الدين منه ايريد دمنه ولازم انذره
يخيتي ولازم اتصبرين عله هالحال واليجره
وتره الايام ضمتلج الم وهموم متكدره
وبعد عيناي ياخويه تنهضمين ** ولذيذ النوم ياخويه تنحرمين
وصد الاطفال ** يشل الحال
اجر حسرات والدمعه بعيوني
يبويه ودعيت حسين واجته اطفاله اتودعه
اصبر بيهم وعيني تجر دمعه بثر دمعه
وانضراساحة الحومه عليه اعداه مجتمعه
حزوا راسه ماكفه ردوا هشموا ضلعه
واشوف النار بخيامي مستعره ** دليلي احتار واطفالي مطشره
الخدر سلبوه ** الضعن حركوه
اجر حسرات والدمعه بعيوني
ابو امين الفرطوسي
تعليق