تويت
للكاظم جينه مشايه
*****************
منهو أللي يكدر يمنعنه
وين الحاقد خل يسمعنه
للموت أبلهفه أطوعنه
وهاللحضه نشريهه أشرايه
*****************
يستاهل كل شي أنظحيله
أزغار أكبار نظل نوفيله
واللي أيطيح أحنه أنتجيله
ولنهجه نبقه وفايه
*****************
هو الما دنك للظالم
والضنه يتنازل واهم
وياهو المثله الغيضه كاظم
وهو الأمل وهو الغايه
*****************
أتحمل ياما وياما وظحه
ويروحه ظل خافي جرحه
لجل الحك الراد أيوضحه
ولجله أبدمنه أنظل ودايه
*****************
جينه انواسي ابد معه وحسره
وانبايع شبلج يالزهره
أبكل خطوه للدين أنصره
وحبنه الهم ماله أنهاية
اليوم ألحجه يمشي ويانه
ويسمع شكوانا وبلوانه
وننطر بيده أيرف الوانه
والنصر النه وعدنه الآية
****************
ابو امين الفرطوسي
تعليق