تويت
جاسم ياضئوه عيني * لاتمشي وتخليني
ربيتك واريد ارباي * لاتمرد ييمه احشاي
لاتمشي وتخليني
تسع اشهور ياجاسم تعت بحشاي وتمرده
وبصيارك يبعد الروح شفت الموت والبعده
وحتى الليل لعيونك جافيته وصرت ضده
وابد ماتغفه وبلحضه احس اعيوني متعمده
وفديتك عمري وسنيني * وكلت تكبر تجازيني
لجن ماحسبت وبهاي * تتركني الهضم دنياي
لاتمشي وتخليني
***************************************
يبني ومن كبر عودك كبرت فرحتي وياه
وكلت باجر ازفنك وانسه الاه والويلاه
وادوف الحنه بجفوفي وارفع ايدي واترجاه
للباري يحفضك كون من الوكت من بلواه
ونطرت الفرحه تلفيني * ولهمومي تنسيني
لجن يانخوتي وحماي * عليه اترادفت بلواي
لاتمشي وتخليني
يجاسم تدري ضميتك ليوم الشيب ياذخري
وكلت لو وكتي جافاني عليك اتجه ياعمري
وكلت لوغمضت اعيوني وللباري صعد سري
انته اللي تغسلني وتودع جثتي الكبري
ومتيقنه توافيني * وتذكر تعبي اوسنيني
لجن ماحسبت يبني * يشد دهري ويعذبني
لاتمشي وتخليني
..........................................
يبني ومن وصلت الطف لجمني كلبي وانشليت
وكمت اتعثر ابممشاي مدري اشجاني وانشليت
ولن صوت الوكت ناده الج يارمله انه رديت
اصفي احساب عندي اوياج ولحزانج انه رديت
تعليق