تويت
في العين دمعه يازهراء
في القلب لوعه يازهراء
نشكو المصائب والحجه غائب* يازهراء
الج نشكي يبت المصطفى المختار
من دنيه عجيبه امحمله اسرار
علينه اتكوطر ابهمه ابالم واصرار
ومن عدهه يبضعه احتارت الافكار
قسة علينا يازهراء
منها شكينا يازهراء
فيها العجائب والحجه غائب * يازهراء
مصايب شفنه من عدهه وتحملنه
لجنهه ماتكف ترجع تجملنه
والهل السبب يامولاتي قررنه
نرفع شكوه للغايب يناصرنه
ذرفنا دمعا يازهراء
شكونا جمعا يازهراء
بالحق نطالب والحجه غائب * يازهراء
لامره ولامرتين ندبنه احنه
وكظينه العمر نلطم تلاكنه
وعشنه بالهضم محنه باثر محنه
وتمنينه يبضعه الحجه يسمعنه
لم يعطي ردا يازهراء
لم يعطي وعدا يازهراء
نبقى نعاتب والحجه غائب* يازهراء
لون تدرين يالبضعه اشجره اعلينه
جاء رحتي لرسول الله تحشمينه
وجاء جبتيه يالزهره تشهدينه
اشلون ابحبكم انذبحت اهالينه
احياء ندفن يازهراء
ومنا يسجن يازهراء
ذقنا المصائب والحجه غائب* يازهراء
واكثر لوعه مولاتي التاذينه
فكدنه اشموس جانت ضاويه اعلينه
جانت وبعلمه رحمه تزكينه
ويوسفه انغدرت الغاضة اعادينه
عشقوا الشهاده يازهراء
صلب الاراده يازهراء
تبقه المصاعب والحجه غائب * يازهراء
ابو امين الفرطوسي
تعليق