تويت
هوسات محرم
*****************************************
زينب تعنت للكمر كافلهه
اتناديله خويه امصيبتي اتخيلهه
عفتوني وحدي والعده اشيحملهه
( باصرني ياماي اعيوني )
حين اللي وصلت شافته ابياحاله
طايح ذخرهه عالشريعه اشحاله
واللي شعبهه امكطعين اوصاله
(طاحت وتنادي هظموني )
*****************************************
شحجي يخويه من شفت جفينك
والهدلي حيلي امثلث ابنص عينك
وجودك ينشمي اينوح يم ايمينك
(ابهالمنظر خويه فجعوني )
شبكت اخوهه والدمع يجري دم
اتكله يذخري راح ظعني اتيتم
انته عفتنه وابو اليمه اتهشم
(ومن رضوا صدرهه هظموني )
وين انطي وجهي ياكمر كلي وين
حيرني وكتي اتكول يطلبني ابد ين
ومني اخذكم وسفه يانور العين
(وعداكم خويه ايحيطوني )
خايفه خويه لوخذونه منكم
منهو اليضل ابكربله ايغسلكم
ومنهو يعباس الذي يدفنكم
(وابهالحاله لتلوموني )
كلمات / ابو امين الفرطوسي
تعليق