أسماء وسامي ..

[***امير العاشقين***]

بسم الله الرحمن الرحيم

سامي ما قبل الزواج

أسماء: أخت سامي في صباح يوم جميل ما طلعت فيه شمس:

سامي أخوي تكفى طفشانة ابغى أتمشى في أي مكان خلنا نروح لو البحر أو المول تكفى قل تم

سامي : ايه هين قال بحر ولا المول ، هالبحر زحمة الأمه كلها هناك والمول ما يروحون له غير الشباب الصايعين الضايعين تريديني أوديك بالمشمش

أسماء لملمت قشها و قعدت تلعب مع أخوها لصغير أونو <<تعزي عمرها من الزهق<< تكسر الخاطر يا عيني عليها

أسماء بالليل و بعد ما غابت الشمس الي ما طلعت أساسا :


سامي أخوي وديني السوق أبغى ملابس جديدة تدري العيد باقي عليه بس يومين وانا مارحت الله يوفقك وديني<<< لا ... واثقة من نفسها البنت بيوافق على طلبها

سامي يرفع نظارته الشمسية و يردبكل سخرية<<< عاشوا يا سخرية أتاريني شاطرةبالفصحى

اها بس اها ، تريدين تروحين السوق ماكأنه وراي شغل غيرك وراي زواج واحد من الشباب اول يوم العيد بنروح نجهز المعرس قومي بس قومي فاضية ...

أسماء: طيب متى بتوديني؟

سامي :لمن الله يكتب اوديك

أسماء :يعني متى الله بيكتب وبتوديني

سامي :مادري لا صرت حي أرزق لبكرة نتفاهم يله مع السلامة

أسماء تصيح و يرتفع صوتها

يا ربي يعني ما فيه طلعه لا ليل ولا نهار، وبعد مافي سوق شذا العيشه يا

سامي و بكل عصبية :

بسك من البربرة الزايدة<<< يا واد يا حمش انت

زعلت أسماء و نادت على أخوها لصغير عشان يلعب معها أونو

سامي ما بعدالزواج

بعد أسبوع من الزواج تدخل عليه زوجته مها متزينة و متعطرة و لابسه

مها و بكل دلع :

سامي

سامي حبيبي تقولها بدلع وغنج وحركات


سامي من سمع كلمة سامي حبيبي ماعرف يرد تخسبق

رد بحنان وعذوبه<<< تعالي ياأسماء شوفي اخوك يعرف يقول كلام لنواعم

هلا عمري حياتي انت يا مها ، آمري تدللي ايش تريدين قولي



مها بزيادة جرعات دلع<<< يا خوفي لا يروح فيها سامي حالة تسمم مستعصية

سامي مليت وطفشت من البيت طلعني البحراو المول

سامي يرد و بصوت هااااااااااااادي

غالي والطلب رخيص ،انا كلي لك نطلع اي مكان تبين بس غير البحر والمول الشباب متجمهرين بالصيف عند البحر وباالمول نروح المطعم احسن شرايك


مها بنت أم مها ترد بعصبية و زعل

ياسلام عليك و على أفكارك ، يعني والله حرام اضل زهقانه ، عادي يبه نطلع ونتمشى بالبحر والمول وفوقها المطعم

و طلع سامي مع مها يتمشون على البحر وفي المول


و لازالت أسماء تلعب أونو مع أخوها الصغير حتى اشعار آخر
************************************************** ************************************
هذا حبيبي سامي على قولة مها اقصد سامي واحد اعرفه شفته بكل شارع وكل قرنة على ارض الخليج شفته في كذا صورة وشكل ..طبعا مو الكل الأغلبية عشان مانعمم والتعميم أفة الحديث

مساكين الخوات بس حق الزف وكوي الثياب والصراخ لكن الرومانسية والكلام الطيب واللين والطلعات والمشاويرما يطلع لهم

على قولة طارق العلي ما تشوف واحد خليجي يعطي اخته وردة بس شاطر يامرها ومشغلها خدامة عنده

وكل شيء تسويه هالاخت او تبيه يكون غالبا غير مسموح

لكن من يتزوج سامي حاله يقلب وكل شي يقلب ويصبح كل شي مسموح لزوجته

وسامي يصير وناسة وطلعات وجيات وسوق مع زوجته بعد ما كان مع اخته ....

[عاشقة الابتسامه]

طرح جميل

سلمت ايدك

[أم الحلوين]

صدقتين خيووو
طرح جدا رائع وواقعي
يسلموووو

[:: بحر ::]

شـكــ وبارك الله فيك ـــرا لك ... لك مني أجمل تحية .

[محب ال البيت ع]

موضوع حلو تشكرين عليه أختي العزيزة
تحياتي محب ال البيت

[*llعاشقة الزهـراءll*]

[***امير العاشقين***]

مشكورين على المرور

[***امير العاشقين***]

محب ال بيت

انا ذكر مو انثى

[الدمعة الحزينة]

ههههههههه
حلو الموضوع اعجبني كثيرا
تسلم ايدك
hf