تويت
يالتفجرني اخبرك انه منك مااهاب
انه رايح يم حبيبي وماترجعني الذياب
لوالف مره اموت ..... اعدل واصرخ بصوت
انه رايح يم حبيبي وماترجعني الذياب
اصلك وفصلك اعرفه واعرف انته ابلاضمير
واعرف احقادك قديمه يلي تمنعني المسير
لجن اسمع هالكلام .... يلي عايش بالظلام
باجر الجنه اليه ادخل انه ابلاحساب
هواي كبلك علن حربه ضدي لاجنه خسر
جان يملك سلطه بيده وبالسجون اشكد طمر
وتالي وبحفره لكوه ... وعن فعاله حاسبوه
وحتى جسمه اضن تدري زاعه اوذبه التراب
اتعلمت انه عله غدرك وادري ماعدك امان
لجن خليني اخبرك صبري موطول الزمان
وانه انطيتك درس ... روح واتذكر امس
حرت وين اتضمهه روحك من اجيتك بالحراب
يالتكفرني اسالك هومنهو الي كفر
ومنهو خالف نبي الرحمه ولضلع بته كسر
ارجع الصوت العقل ... كبل لا لا تنسئل
وبالحشر راسك تندكه يالبعت داحي الباب
انه باجر راسي عالي وكلهه تتشفع الي
وانت هامك ماترفعه وبذنوبك تبتلي
اتصيح نادم عالجره ... وتعتذر من حيدره
لجن هذا مايفيدك باجر اتضوك العذاب
كلمات
ابو امين الفرطوسي
تعليق