تويت
كوم ردني للوطن ... كوم ردني للوطن
خويه يعباس
الكربله جابت ظعنه ام الخدر
من بعد غربه وبعد لوعه واسر
اتصيح وين اخوتي الجانولي ذخر
مااريد اخلافكم خويه العمر
راحن اعيوني عمن ... راحن اعيوني عمن
يارفعة الراس
خويه اكعدوا اجت ساعات العتب
منهو اليطفي من كلبي اللهب
منهواليرجعلي خدري الي انسلب
وشوفوا غدر الوكت بيه اشلعب
اه من غدر الزمن ... اه من غدر الزمن
سئلط الارجاس
جمعت الايتام والمدمع يسيل
اجت يم حسين بت حامي الدخيل
اتكلهه اكعد فطرت من الدليل
خويه خويه امن الهظم ماعدي حيل
صبت اعليه المحن... صبت اعليه المحن
ومارحمت الناس
اتعنت الصوب الجفيل اتعاتبه
اتريد من عده الخدر واتطالبه
اتكلهه ترضاهه يخويه امسلبه
وبيه تلسع نار كلبي لاهبه
وتدري لجلك ماغفن... وتدري لجلك ماغفن
اعيوني ينوماس
ابو امين الفرطوسي
تعليق