Noor alhoda
23-01-2012, 04:30 PM
http://www.baddawi.com/forum/uploaded17/4195_1325628797.gif
الى من توفيت على أثر فقدان
ولدها الذي قتل مجهول الهويه
(خلهه بعدين السوالف)
ابنشغة الميت حجتهه
من حجتهه ابريج ناشف
جلمة واتودع الشفايف
اتكلي يبني ؛؛؛
الموت أخذني
خلهه بعدين السوالف
اوضلت بكلبي السوالف
وجنت أشوف الموت جيله
اوهيه تهمس
هاي روحي ياعلي عندك دخيله
جلمه منهه الموت خايف
خلهه بعدين السوالف
وبيه
صيحه اشكد جبيره
صيحة النثيه الغريبه
الصاحت بنص الطوايف
وعين سدتهه ابحزنهه
وعين ضلت ترسم أشكال السوالف
وانه دمعي ابخدي يركض
ركضة الشاة التطف بيهه الهوارف
خلهه بعدين السوالف
وذاك طولي
أتكور وصار بحضنهه
وبيه حست امي جنهه
وشيعوها وشافو امبلل جفنهه
لنهه وكت الموت أمي
ماحجتلي ؛؛؛
سكتت ودرت لبنهه
وماتت أمي ابثوب أسود
اجنازة حزنانه اعلا ابنهه
المات مجهول الهويه
والا يمه اولا بيده
اتريد كون ايفك حزنهه
وصوره وي الموت عدهه
تضحك الدمعه اعلا خدهه
أتكلهه خطاره اعلا حيدر
لو جهنم توصل اليمي يردهه
وجانت أيد العوز يم أمي ذليله
وعدهه ايد اعلا الستر كلش طويله
اتخاف من عين العجد أم البنات
ومن خواتي التزحف اتلبسهه شيله
وعدهه قصه اوي الصرايف
بيهه حسجه ؛؛؛
بيهه صوت النثيه زلمه
أيسكت احلوك المضايف
آآآآخ يم حلوه السوالف
ضلت ابكلبي السوالف
يمه أذن الغير طرشه
وحيرة الزلمه كلافه
ودمعته ابخده عزيزه
ابدوج ايعضعض بشافه
ويمه عين الناس عميه
اتشوفني ارسوم وملامح
وانه بس هيكل ييمه
بكلبي ناصبلج فواتح
وفدعه سكته بروحي تنعه
او وشلت عيني النعاوي
كطره كطره
دمعه دمعه
وانه أصيحن
يمه يمه وماكو صوتي
يمه ياهو الينعه موتي
وياهه ينعالي اعلا خوتي
ويمه غيرج من نوالف
ضلت ابكلبي السوالف
وسابع أحزاج كضيته
وطشت الوادم أحسهه
وكمت أشوفن دمعي صوره
وعلكيته وكل حياطيني ترسهه
ومن غفيت
سولفت كل السوالف
اتصورتهه يمي جانت
وجنت أحسهه
وسولفتهه اوهيه ماكو
ثاري نايم جنت واستورح نفسهه
http://www.baddawi.com/forum/uploaded12/2102_imgcache.gif
الشاعر كاظم علي جازع الركابي ذي قار قلعة سكر
http://www.baddawi.com/forum/uploaded12/2102_imgcache.gif
الى من توفيت على أثر فقدان
ولدها الذي قتل مجهول الهويه
(خلهه بعدين السوالف)
ابنشغة الميت حجتهه
من حجتهه ابريج ناشف
جلمة واتودع الشفايف
اتكلي يبني ؛؛؛
الموت أخذني
خلهه بعدين السوالف
اوضلت بكلبي السوالف
وجنت أشوف الموت جيله
اوهيه تهمس
هاي روحي ياعلي عندك دخيله
جلمه منهه الموت خايف
خلهه بعدين السوالف
وبيه
صيحه اشكد جبيره
صيحة النثيه الغريبه
الصاحت بنص الطوايف
وعين سدتهه ابحزنهه
وعين ضلت ترسم أشكال السوالف
وانه دمعي ابخدي يركض
ركضة الشاة التطف بيهه الهوارف
خلهه بعدين السوالف
وذاك طولي
أتكور وصار بحضنهه
وبيه حست امي جنهه
وشيعوها وشافو امبلل جفنهه
لنهه وكت الموت أمي
ماحجتلي ؛؛؛
سكتت ودرت لبنهه
وماتت أمي ابثوب أسود
اجنازة حزنانه اعلا ابنهه
المات مجهول الهويه
والا يمه اولا بيده
اتريد كون ايفك حزنهه
وصوره وي الموت عدهه
تضحك الدمعه اعلا خدهه
أتكلهه خطاره اعلا حيدر
لو جهنم توصل اليمي يردهه
وجانت أيد العوز يم أمي ذليله
وعدهه ايد اعلا الستر كلش طويله
اتخاف من عين العجد أم البنات
ومن خواتي التزحف اتلبسهه شيله
وعدهه قصه اوي الصرايف
بيهه حسجه ؛؛؛
بيهه صوت النثيه زلمه
أيسكت احلوك المضايف
آآآآخ يم حلوه السوالف
ضلت ابكلبي السوالف
يمه أذن الغير طرشه
وحيرة الزلمه كلافه
ودمعته ابخده عزيزه
ابدوج ايعضعض بشافه
ويمه عين الناس عميه
اتشوفني ارسوم وملامح
وانه بس هيكل ييمه
بكلبي ناصبلج فواتح
وفدعه سكته بروحي تنعه
او وشلت عيني النعاوي
كطره كطره
دمعه دمعه
وانه أصيحن
يمه يمه وماكو صوتي
يمه ياهو الينعه موتي
وياهه ينعالي اعلا خوتي
ويمه غيرج من نوالف
ضلت ابكلبي السوالف
وسابع أحزاج كضيته
وطشت الوادم أحسهه
وكمت أشوفن دمعي صوره
وعلكيته وكل حياطيني ترسهه
ومن غفيت
سولفت كل السوالف
اتصورتهه يمي جانت
وجنت أحسهه
وسولفتهه اوهيه ماكو
ثاري نايم جنت واستورح نفسهه
http://www.baddawi.com/forum/uploaded12/2102_imgcache.gif
الشاعر كاظم علي جازع الركابي ذي قار قلعة سكر
http://www.baddawi.com/forum/uploaded12/2102_imgcache.gif