تويت
مات حبك
عشك مات إشجابك إتدور عَلّي؟
وحتى وين أدفنته هم صَدّك نسيت..!
وْلا أصَدْك من أثر صدمه يعود
كافي من صدماتك الاولى اكتفيت
من مشيت الشامت الكلالي راح
وكتله ما راح.. واشوفك من مشيت
إشكد دعيت الموت من صحتك تعاااال..
وإنت يم شامت سمعت وما اجيت
وهسه جيت؟ إشترجه هم تلكالي صوت؟
إيصيحك اهلا .. يل بعد موتي لفيت
طاحن اعيوني كبل لا دمعي طاح
شنو ادموع اعيون لفراكك بجيت
وتالي راجع بيش اشوفك لاتعود
صبري شمعه ومن خلص صبري انطفيت
من رحت خو تذكر بساعه نهار
بعيني والعباس ليل اتخيليت
مات حبك... مو جذب هلمره مات
وحتى وين ادفنته ... لحظة....... اتذكريت
تذكر بيوم الصحتلك هاا تعال؟؟؟
وانت يم شامت سمعت وما اجيت؟
اهناك دور حبك وتلكاه اكيد
سحكه اجدامي إعْلَى حُبك حد بنيت
وعود لحظتها اندعيت انا الاموت؟
طاحت بحبك تَرّس من اندعيت
وماااات حبك
اخي الكريم
تعليق