تويت
عـلـيــك وبــالحــزن دمـعـي --- تجـــاره
لأن حـبــــك أعــز وأثـمـن --- تجـــاره
شلــون أتـعــنــه والـنـاصب --- تجـــاره
و سم چبدك يبن حامي الحميه
****************
على امصابه بدمع للعسكري أبچينه
وينه المهدي يـاخذ ثـار ابـوه ويـنـه
*********************
ويـنه الـيـاخـذ بـثـار الجــره والـصـار
گـبـر جـده وابـوه فـوگ الـثـره طشار
يمته يسل عـلـيـهـم سيف ذو الـفـقــار
لأن شيعه النواصب ذوله سابينه
******************
سابينه وكظمنه بهـل صبـر چم دوب
مثل شمع المنايه يظل عمرنه ايذوب
يمته تهل طلعـتـه ولشوكت محجوب
والرايه بيمينه ويظهر اعلينه
****************
نظـل يالعـسكـري وبـدمعه نـتــرقــب
يهـل ابنك عـلـيـنه وبـالحـزن ننحـب
نارين أشتظـن ياهـو الأشد وأصعـب
طحيت گبتك لو سمك البينه
****************
على امصابك يظل جرح الگلب يدي
عليك وبالحزن حادي الحزن يحدي
رجـانـه يالحسن بـالـغـايب المهـدي
نترقب طلعته وزين يدرينه
****************
مصاب الگبه والسم وعـظم صبرك
وجــروح المنايه الخـلصن عـمـرك
والگــوم بحـقـدهـه الهـدمت گـبـرك
يظل يسعر جمرها وحيل ماذينه
***************
عليك بكل وكت يالعسكري بـدمـعات
نبچي وما نمل لا و الله لا هـيهــات
عالسم والگبـر وهـمومك بلـوعــات
نفدي بكل عمرنه والك ضحينه
*****************
خادمكم
رياض الرسل
تعليق