تويت
حسيني إنا وثابت قراري وأابد والله مااغير مساري
وسط الروح حبه سره * وماانساه مهما جره
حسيني إنا وثابت قراري
أريد اسأل الدنية وكل الأكوان
وكل الكتب واسطرهه و الأديان
هم شافت وسمعت مثلي ولهان
قدم نفسه وأهله كله قربان
واهج من اجله واتركهه دياري وأعيش أبغربه واسكنه البراري
وعهدي أوياه للاخره * وماانساه مهما جره
حسيني إنا وثابت قراري
علي يشهد المذبح واليذبحون
أمد نحري أبلهفتي وجني مجنون
وأصيح أبصوت ربي انه ممنون
أقدم الروح فدوه الكرة العيون
وتضل للموت عنواني وشعاري * ابا السجاد ياشمسي ونهاري
وحبي وياه ماانكره * وماانساه مهما جره
حسيني إنا وثابت قراري
حسيني انا وهيهات اطخ الرأس
وعلي تشهد ألدنيه وكل الارجاس
وأخذت انه العزم من البطل عباس
وبيه وبوفائي اتسولف الناس
وابد مايوم أعلنت انكساري * مشيت ابزود وبنهجه افتخاري
ونهجه اهناك بيه تذكره * وماانساه مهما جره
حسيني إنا وثابت قراري
حسيني انا وجم طاغي لاويته
اوولافديوم ارعبني وتحاشيته
يكلي اعنادك اولاوين تاليته
اكله حسين جنني واهل بيته
واهج من اجله واتركهه دياري وأعيش أبغربه واسكنه البراري
وعهدي أوياه للاخره * وماانساه مهما جره
حسيني إنا وثابت قراري
ابو امين الفرطوسي
تعليق