تويت
كلنه نـوالـي حـيـدره
*************
رضعــنـه محـبـتـه بالمهــد كـلـنــــه
وصبـح لمـن كـبـرنـه كــل امـلـنــــه
نعــوف الـدنـيـه ونضحـي بـأهـلنـــه
وابد منعــوفـه من احـنـه انسـألـنـــه
ويـاه دنيـه واخـره
كلنه نـوالـي حـيـدره
**************
كبـرنـه والعـشگ ويـانـه يكـبــــــــر
وعـرفـنه بس عـلي للجنه معـبــــــر
كـتـبـنـه بالگـلـب والصوت كـبـــــــر
عـهـد لا مانــوالي غـيــر حــيـــــــدر
والي يحبه يناصره
كلنه نـوالـي حـيـدره
**************
عـلي يعـنـي محـمـدنــه نبـيـنـــــه
ومحمد يعـني لـو گـلنـه عـلـيـنـــه
الامـامـه والنـبـــوه والسكـيـنـــــه
الفرع بالنجـف والاصل المديـنـــه
واهمهم الزهره الطاهره
كلنه نـوالـي حـيـدره
**************
نوالي احـنه عـلي وكل اهـل بيتــه
وحملـنـه بالضمايــر كـل وصيـتــه
ابـــد مايعـبــر المهــزوزه نـيـتـــه
اذا مو مـن عـلـي امـوقـع هويــتـه
حيدر الدين ومصدره
كلنه نـوالـي حـيـدره
***************
صراط الحـق يضل حـيـدر الكــرار
لأن حبه عجـيـب ويحـمـل اســرار
ويضل حيدر قسيم الجـنـه والـنــار
على عناد النواصب ذوله الاشـرار
متهمنه گوم الكافره
كلنه نـوالـي حـيـدره
***************
شكـثـر دورنه ويـن اليشبه ويــن
ابـد لا مالگـيـنـه اليشبهه اثـنـيـن
وختمنه بالگلب والـروح والعـين
نموت ومانعوف احنه ابو حسين
والدنيه بينه حايره
كلنه نـوالـي حيـدره
**************
خادمكم
رياض الرسل
تعليق