اقدم لكم شعر شعبي عراقي عن الأم

[** خـادم العبـاس **]

بسم الله الرحمن الرحيم

اقدم لكم شعر شعبي عراقي عن ظيم الام

عفية امي شكثر شافت مراره و ضيم
ياما تحملت لوعه بلياليها
ولا عمري شفتها ارتاحت بفد يوم
تعبانه الدمع و الهم يسليها
كبرنا و عوض الله و صرنا عندها ارجال
همنا شلون بيش الام نجازيها
نذب الثوب لسود منها نص الليل
و نفز الصبح نلقاه مغطيها
سمعنا الصوت يندب وينكم لولاد
دعوة من الوطن لازم نلبيها
و مشينا و ودعتنا امنا بظلام الليل
او وصتنا جفوف الطغى و نلويها
و لويناهم لوي الاخر دمع بالعين
هنياله الوقع و الدم تباريها
و خويه اول الناس استشهدوا عالكاع
بالدم كتب كلمه يذوب قاريها
يا يمه بسعفه كضت نارهم باليل
و بدمي اركضت عالنار اطفيها
نعاوي امي تبجي الكاع و الصوبين
و هذا انا اعترف ابجي النعاويها
نعاوي امي خناجر بالضلوع احايوميه الصبح اسمع بواجيها
عليمن يمه كافي اصار صار او راح
دمسحي دمعتج يا يمه مسحيها
خطيه مكابله الصورة على خويه تنوح
و جن الصورة تحجي و جن تحاجيها
اغافلها و اشيلن صورته من البيت
و وصيهم بعد لحد يحاجيها
و بوك الروح بوكه واشتغل بالطين
بالحي مدرسة لازم نعليها
وارد امن الشغل واسمع بواجي و نوح
واتحذر وطب و مدده القيها
وعلق صورته بجفي على وجه الدار
ويرد البيت يضوي من اخليها
وترد امي البجيها اردود و يردن نواعيها
وترد امي البجيها اردود وانا اسمع نعاويها
تقلي شلون شاعر طاوعتك ايد
حسبالي العراق انباك ليش الصورة تخفيها
و تعدت سنه و سنتين و جنت ادري البجي للعين يعميها
و عمت امي
وظل ابني الزغير حسين من تمشي يدليهاعلمته الوطن ياهو و علمته الشعب ياهو
وظل مثل الطفل يمه يسميها
تسولف له قصص و تعلمه عالديوان
وتصعده الفرس و تقله مش بيها
تقله الكاع كاعك و النخل ينخاك
وابن امه و بطل كلمن يحاميها
و طلب منها تسولف عالمضى و الجان
عن عمه خذته امواج جاريها
عن ذاك العراقي الما قبل تنباك كيعان العراق و كل سواجيها
و ترد امي بواجي تفزز الميتين
ويردن امكابر كل نعاويها
يمه القنبله ما بترت رجليه
هو انفجر يمها و بتر رجليها



تحياتي

[غربتي طالت]

بارك الله بكم " شعر جميل جداً"
حياكم الله

[الـدمـع حـبـر العـيـون]

الله على الام ربي يحفظ امهاتنا جميعااا
جزيت خيراًماننحرم من جديدك الرائع
وددي وتقديررري لك
دمت في حفظ الرحمن

[محب الرسول]

جزاك الله كل خير
بارك الله بك

[** خـادم العبـاس **]

شاكر مروركم احبتي
حياكم ربي
انرتم صفحتي

[قلب ألمآس]

رااائعه جدا
سلمت انااملك

[** خـادم العبـاس **]

اسعدني مروركم
وافرحتني ردودكم
حياكم لله

[عباس سلمان البلادي]

عاشت ايدك ياعاشق البطل عباس على هذة القصيدة الرائعة

[** خـادم العبـاس **]

شاكر مروركم الكريم

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعداائهم
مشكور خيو على الشعر الجميل
الله يعطيك ألف عااافية
الله يحفظ أمهااتنااا من كل سوء

[منتظر الاميري]

شكرا على الموضوع القيم والرائع والجميل

[**تفاحة الفردوس**]

بارك الله فيك اخي العزيز
القصيدة رائعة ومؤثرة
اعجبتني كلماتها

[فرقة احباب الزهراء]

[** خـادم العبـاس **]

شاكر مروركم العطر
حياكم الله
أنرتم صفحتي

[** خـادم العبـاس **]

شاكر مروركم العطر
حياكم الله
أنرتم صفحتي