قصيدة هيعونة اليطوف بحضرتك مضلوم !!

[**تفاحة الفردوس**]

قصيدة للإمام علي عليه السلام

هيعونة اليطوف بحضرتك مضلوم
وهيعونة اليشكي همومة بالحظرة
ياسيف النبي ويافرحة المسكين
وياباب الصبر للي خلص صبرة
تمنيت بضريحك روحي مني تروح
يازوج البتول الطاهرة الحرة
حتى الأنبياء تندب علي الكرار
اسمك ياعلي بالموزمة شكبرة
تاريخك مجد ياسيد التاريخ
ياعلم الفلك والكون والذرة
منو مثللك علي ضحى شكثر للدين
واخر تضحياتة يضحي في عمرة
منوالسمو أسد في معركة صفين
وبصولة بدر خلة الزلم حدرة
ومنهو الي قهر امة بني أسرائيل
وضلت الى الآن بأسمه منقهرة
علي اسمك كبل ماواحد مسمي
جبرائيل خط بأسمك على الصخرة
بالكعبة ياحيدر طلكت امك بيك
وحتى الجني الازرك لبذ في جحرة
يونس ندب بيك أنت كبل لتصير
وكال أحضر علي وخلصني هالمرة
يندب ياااااعلي المضايق ومهموم
واليندب علي شكد ينفتح صدرة
عفية شكد عضيم أنت ياابو الاحرار
الجن والانس منك كلها متوشرة
منو غيرك شفيع النة يابو الكلفات
لوقامت الساعة بنارها الكبرة
ياركن الرسالة ويابو ثأر الله
ويا أول القدرة واخر القدرة
وياسيف الفقار وقاري علم الغيب
ويا بيرة محمد ساعة الوزرة
يالصنديد يالمثلة فلاموجود
وكعبة الطلكت موحكها مفتخرة
والله ياعلي من انخاك وكت الضيج
اهمومي تروح كلها وتنجلي الحصرة
محمد بالغدير شكال للاسلام
مو وصة بعلي من بعدة بالامرة
وتبرى محمد منة يوم الدين
كلمن ماحزن في ليلة الطبرة
علي وابنة حسين العجب الثوراة
بيرة ورفع راسة بأخر الثورة
حسين الماخذل دينة وكتاب الله
شون يذل حسين وامة الزهرة
نادى الموت أولى من ركوب العار
وخلى جيوشهم عالارض مطشرة
وابنك ابو فاضل بالغضب بركان
ليث وبالشدايد محد يكدرة
سحكها بالفرات وخلى دمها يسيل
تمنيت الفرات ينشف ولا كطرة
لان عطش جبود المصطفى الاحرار
وعباس انغدر باليمنة واليسرة
مهمومة اشتكيلك حال يامولاي
أنة بصدري ياحيدر غافية العبرة
توازت ياعلي والباطل السياف
والحق صار اخرس وانكر بظهرة
والحق صار اخرس وانكر بضهرة

[محـب الحسين]

قصيدة رائعه
جزاكِ الله خير الجزاء

[عاشقة النور]

قصيده رااائعهـ
سلمت يمناكـ
ويعطيك الله العافيهـ
تحياتي لكـ

"عاشقة النور"

[نبض قلبي حسين]

قصيده متالقه ورائعه
باركَ الله فيكِ وجعله في ميزان حسناتك
:65::65::65::65::65::65:

[فرقة احباب الزهراء]

جعلها الله في ميزان اعمالك
وفقك الله ننتضر الجديد

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعداائهم
مشكورة خيتو على القصيدة الراائعة و الجميلة و القيمة يستأهل أبو الحسنين (عليه السلام)
نور الله قلبش خيتو
في ميزااان أعمااالش
الله يعطيش ألف عااافية
جزاااكِ الله خير جزاااء المحسنين
حشركِ الله معه في الجنة
ورزقكِ زياارته في الدنيااا و في آخرة شفاااعته

[منتظر الاميري]

شكرا عالموضوع القيم