كتبت اسمك على اجفوفي وبديت احتار

[منتظر الاميري]

كتبت اسمك على اجفوفي وبديت احتار
حتة اجفوفي من اجفوفي احسها تغار

اعيش وياك قصة طيب يكتبها الشمع بالنار
وحنة شموع وفوانيس تضوي بكل وكت احرار

نحب كيعانة الحلوه البديها شكد كتبنة اسرار
علمنة الوفة حجايات نحب ونوافي من نحب

نفوح بكل معاني الشوك نسمة اعله اليحبنه نهب
قدرنه نعيش هيج اغراب مثل شراع متغرب

يفر بينه هوه الغربة ويمر ونشم وطنه وياه
واحنه شما يمرنه الضيم ما نبجي ونكول احاه

رسمنه اعله الشمس رايه
لان جفن الشمس عالكحله علمناه

زرعنه الكاع طيب وخير
لمن حمل البستان صار احلى الثمر للغير

ونرد لدجله نشرب ماي ونغني لشواطيه
احنه نحب وطنه بشوك شاب وعاشك بنيه

الشمس حلوه وتضل حلوه ويضل غالي الوطن بالروح
يهل وجهك كمر عالي وينور البيت يوميه

يبو خدود الفرحها يفوح جنهه بفرح جوريه
كحل والشفة ورديه

بمشيتك بالشمس تضوي كذلتك الك شمسيه
يهل كلك هلاهل عيد وهلال ويشع ضيه

ولك مو حيل ما بيه
تهده لخاطر الله شلون تنسه معاتب البيه

اصيح اسمك واضل محتار حبك كاطع الجيه
اريد اهديلك اني الروح وانت التدري الك هيه

تحياااااتي

[نبض قلبي حسين]

بارك الله فيك اخي الكريم
وجزاك خيرا للقصيده الرائعه

[نبض قلبي حسين]

بارك الله فيكِ للطرح الرائع وجعله في ميزان اعمالك
:65::65::65::65::65::65:

[Noor alhoda]

[منتظر الاميري]

شكرا على الموضوع الرائع والجميل

[عاشقة ام الحسنين]

اللهم صل على محمدوآل محمد وعجل فرجهم يا كريم

جزاك الله خير الجزاء على الكلماتك رااقية ومميزة دوم

يعطيك العافية على الطرحك مميز وراقي

[أنوار الولاية]

[ابوفزع الحلفي]

السلام عليكم

احسنتم وجزاكم الله خير

[محب الرسول]

بارك الله فيك وجزاك الله خيرا

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعداائهم