المساعد الشخصي الرقمي

مشاهدة النسخة كاملة : اجمل شعر شعبي كتب عن الزعل


منتظر الاميري
24-03-2012, 10:04 AM
اصبر الروح بيش وانته بيه الروح
واذا تطلع اظلن بس جسد خالي
لكيتك من جنت مالاكي كل الناس
انته اول محب ونته الصرت تالي
يالكلك محبه وانته احن مخلوق
معقوله الحمامه اتصير كتالي
صح ماكو بجمالك انه ادري بهاي
وروجة رقتك ماكظهه كل جالي
حرام اعليك تزعل ونته تزعل ليش؟
اجيك انه اعتذر وبلا ذنب خالي
غالي وكلشي عندي ومااهدك دوم
وغالي وهسه احبك جي صرت غالي
احسك تختلف عن كل بقيت الناس
بعيوني اشوفك عالنجم عالي
واشوفن دمعتك ماجنهه تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكل شي منك كلشي يحلالي
اجيك ومن ارد فارغ ارد للغير
وعنب بس اعله مودك تارس اسلالي
يمك انسه روحي ومن اكون وياك
وعلى فنجان شفتك تركع ادلالي
000وزعلك
الواشي بلا بخت مرني وزعلك
واموت ولا اجرحنك وزعلك
حلو كلك على بعضك وزعلك
بحلاتك فدوه بس ارضى عليه
تعال الخاطر الله وخل اشبكك حيل
وشوف اشراح تاخذ منك الشبكه
تعال ابماي طيبك بيه طفي النار
تعال اعليه لحك حركتك حركه
شكل الكلبي باجر حصته راحت وين
ومن كدام عينه وينوخذ حكه
ترس اذني سمعتك صفكت للغير
مو من غير جفك طلعت الصفكه!!
كلبي اعليك جان وبعده يبجي اعليك
ولا توصل حبيبي الذره من عشكه
ماحبيت غيرك لاهويت ابيوم
ولا فديوم راسي الغيرك امدنكه
بعدني اهتز واطيحن من يمر طرواك
واحسك من تمر نسمة هوه وشهكه
نخل حبي طويل وعثكه مايلاح
وبس بحظن كلبك امنت عثكه
من تمركم
الحلاوه البيك يسمر من تمركم
وروحي اتذوب يمكم من تمركم
ادوخ امن ارد احسبك من تمر كم؟؟
واحد بس اشوفك تسعميه

محب الرسول
24-03-2012, 12:33 PM
جزاك الله كل خير
بارك الله بك

منتظر الاميري
19-04-2012, 05:57 PM
شكرا على المرور اخي العزيز

عاشقة ام الحسنين
21-05-2012, 08:10 PM
اللهم صل على محمدوآل محمد وعجل فرجهم يا كريم


أشكرك على الكلمات رااااقية ومميزة


يعطيك العافية على الطرحك النير وم

ابوفزع الحلفي
01-06-2012, 11:01 AM
احسنتم وجزاكم الله خير