تويت
2 على الاكبر دمعتي اتهل وتسيل
وعلى زينب انتحب واعله العليل
الله يعين الزهرة - بكربله تشوف العترة
على عبد الله تنوح الزهرة مهضومه
عباس الشهم بمصابه وونينه
وحسين المثلث صوبه بصدرة
خادم اهل البيت/ حيدر الخفاجي الرميثي
4 بحــــــــــــــــسره اعله الوفه دم تنحب الزهره
5 ) دمع الموالي ماصبر – عزه الامام المنتظر
وعلى زينب انتحب واعله العليل
على حسين وصحبته واهله الكضو
للذبح والنار ليش اتعرضو
اضلوع ابو اليمه ابحوافر رضرضو
ابجي السكنه وانوح اعله العليل
كطعت قلبي مصيبة كربله
– والخيام الشبت اعله العايله-
وتاهت اطفال الرسول ابهلفله-
ابجي عل اطفال ماعدهم دليل
القاسم امخضب يصب منه الدمه-
وليش عبدالله السهام اتالمه
نحره ينزف تبجي ضلت فاطمه-
عله حسين وطفله ظل دمعي يهيل
عين ابو فاضل يصوبهه السهم
–صابو العباس والعز والشيم
ابجي عالعباس وجفوف الكرم-
مايعوف حسين ومصابه الدليل
سلبو خير البشر بعد الذبح-
وراسه يتعلك على راس الرمح
الخيل رضت صدره وترض عالجرح
ماسمعنه بلادفن يبقى القتيل
بلادفن ضل الحسين اعله الارض
والعده بخيولهه ابصدره ترض
مادرو بحسين عدنه اعظم فرض –
باب صارحسين للباري الجليل
شعرحيدرالخفاجي الرميثي
3
كطعو جفوف العباس --------- وحسين ضل بلا راس
كل ماتم تحضرة الزهرة وتنـــــادي
على حسين وعياله ذايب افــــــــــادي
ليش بلا ذنب متكطعــــــــــــــه اولادي
مصاب حسين مثله مصاب ماسادي
نواسي الشفيعه البضعه باللطم وي الدمعه
تختنك عبره الانفاس وحسين ضل بلا راس
على عبد الله تنوح الزهرة مهضومه
ركبته بلا ذنب بالنبله مفطــــــــــــومه
على حضن حسين ضلت تنزف دمومه
ماننسه الرضيع وقصتـــــــــــه ويومه
موذر الاكبر جسمه مطبر القاسم يمه
وذرو جسم النبراس وحسين ضل بلا راس
عباس الشهم بمصابه وونينه
ماننسه العمود ولاسهم عينه
عباس الوي الي واعد سكينه
ضل يم النهر مكطوعه جفينه
زينب تضل متحيرة عباس كطعو نحرة
وليه ولتهم عهالناس وحسين ضل بلا راس
وحسين المثلث صوبه بصدرة
وحيد بلا معين وطاح من مهرة
بسيوف ورماح الوادم تـــــوذرة
وبسيفه الشمر ضل يكطع بنحرة
مطروح ضل عالغبرة والخيل رضت صدرة
خنصرة أ تكطعه الارجاس وحسين ضل بلا راس اطفال حسين وبنص الخيام تنـــوح
يزينب حركو الخيمه ولوين انروح
صدك عباس يا ام الخدر مذبــــوح
تبدت جربته ويم النهر مطـــــروح
يسبينه سوط الظالم عكب الكمر ياوادم
ماعدنه ضلت حراس وحسين ضل بلا راس
خادم اهل البيت/ حيدر الخفاجي الرميثي
4 بحــــــــــــــــسره اعله الوفه دم تنحب الزهره
يبجي حـــــــــــــــــــسين والعــــــباس والحره
كضت كل عمرهه تنحب اعله حسين
وعلى العباس ابنهه صاحب الجفــــين
خل يحضر يشيعهه بدموع العـــــــين
شهدن عالنهرجفــــــــــــــــين متوذره
حضروهه الزجيه وحـــــــيدرالـــــكرار
وحضريمهه الرسول المصطفى المختار
واجوحتى البنين الاربـــــــــعه الاطهار
وعليهه الــــــــــمدينه تنوح بالحسره
كعديمهه الحســـــــــين وصــــاح يايمه
على امصابج ييمه اضلــــوعي ملجمه
وحضر حتى الرضيع امخضب ابدمه
رجعت كربله رد الضلع كســــــــــره
واجه العباس يبجي ونبلته ابعينـــــــه
يحضنهه يريد وماهي جفيــــــــــــنه
بجه بدم العرش علكافل اسكيــــــــنه
يون عباس منه الهامه منطـــــــــــبره
نيران الكلب عالشيــــــــــعه متوجره
وجفين الكمرلليوم متـــــــــــــــــــــوذره
رجع جرح الوصي وانعادت العصره
بهذا الموقف السجــاد رد اسره-
-حيدرالخفاجي الرميثي
كل قصيده لها رقم عند انتائها تجد رقم جديد
5 ) دمع الموالي ماصبر – عزه الامام المنتظر
بكلب زينب الم وخيام ملهوبه
ولو تقره ابدمعهه ايتام مسلوبه
وراس اعله الرمح وجساد متروبه
راس الحسين ابهلخبر------------------- عزه الامام المنتضر
زينب لوكلت معناهه جف عباس
وعبدالله الرضيع البجه كل الناس
زينب تعني جسام الخضيب الراس
جورالسبي وي كل اثر ------------عزه الامام المنتضر
زينب دمعة الاكبراجت لحسين
تريدالماي منه ويابسه الشفتين
وزينب عين سكنه البجت الثقلين
الهه يون حتى الحجر ------------عزه الامام المنتضر
حتى الدمعه تعرف زينب الحره
اسئل دمعتك وتجاوب ابعبره
لسه عيون زينب تبجي للزهره
بهالفاجعه جف الكمر -----------عزه الامام المنتضر
زينب حسرة السجاد واهــــــــــــاته
ورقيه وراس ابوهه التجري دمعاته
زينب باب فاطم لسه عصراتـــــــــه
البرينوح وي البحر------------عزه الامام المنتضر
احترك كلب الخيم من نار دمعتـــــــهه
وسجب دمع الورق بيدي اعله قصتهه
ماسلبو خدرهه وتبقى عبرتــــــــــــهه
يبجي اعله قصتهه الشجر -------عزه الامام المنتضر
بحجاب الحره لاتتوهم الاقــــلام
حجاب الحره ماطاح وابد ماهام
اذا هي الحجاب اليستر الاسلام
زينب حجاب ابكل دهر-------------عزه الامام المنتضر
خادمكم حيدرالخفاجي الرميثي
تعليق