قصيدة حسيينية

[منتظر الاميري]

اشهر القصائد الحسينيه لشعراء شعبيين
من وسط وجنوب العراق كتبت على مدى
مائتي عام بين 1820 و1970 وربما
اقدم سانشرها للاستفاده والاطلاع على
تراث الشعر الشعبي العراقي وكنوزه .


وليدي شبيدي حال الأجل ما بينك وبيني
باليمنه لك هزيت وباليسره ربيك
وعيوني وحده فراش وبوحده أغطيك
يغفني نسيم الهاب يابني اليمر بيك
واتناسه سهم دنياي يابني من اصد ليك
وليدي شبيدي حال الأجل مابينك وبيني

من ظلوعي اسوي شموع لعرسك يا غالي
واعلگها بالآمال تضوي الليالي
واتخيلك تميت تشع يا هلالي
وبالغاضريه نسيت كل ولد مالي
وليدي شبيدي حال الأجل مابينك ويني

اتوسد الدلال واتروى بالروح
واسمك يانور العين بلسم للجروح
لاتشح ياجسام من عيني وتروح
وامست عليك الروح يامدلل تنوح
وليدي شبيدي حال الأجل مابينك وبيني

ياعذيبي يا رسرس يا شطبة البال
يازهرة الآمال والغصن ريان
يالصرت وتربيت وبحجري لحزان
حزني عليك الدوح ياوليدي حزنان
وليدي شبيدي حال الأجل مابينك وبيي

مثل الجسم عالعين حارس وحاميك
وإنت النظر للعين وعيني التجد بيك
وتبرعت برباك وللموت اوديك
شلون أمشي يابني اليوم وعالغبره أخليك
شبيدي وليدي حال الأجل مابينك وبيني

[محـب الحسين]

جزاك الله خير الجزاء

[دمعة الكرار]

[محب الرسول]

أحسنتم وبارك الله فيكم

طرح قيم أثقل الله به موازين اعمالكم

دمت برعاية الرحمن

[فرقة احباب الزهراء]

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين
وعجل فرجهم وألعن أعداائهم

[منتظر الاميري]

شكرا على الموضوع الرائع والجميل

[ناصرة ام البنين]