انحب والدمع يجري

[محـب الحسين]

بسم الله الرحمن الرحيم

انحب والدمع يجري =رمله والحزن لوني
جاسم يا ضوه عيوني =

جاسم يا ثمر دنياي = يل طولك شفه جروحي
يبني ويا نظر عيناي = ما بطل الك نوحي
جنت متأمله يارجواي = ازفك بيدي يا روحي
ما جنت اعتقد دهري = يبني يخيب ضنوني =
جاسم يا ضوه عيوني =

يوليدي اتعبت برباك = اغطيك برمش عيني
ولممهدك اهز ورعاك = ولياذيك ياذيني
اناغيك وجنت ارجاك = ذخري لكبرة اسنيني
لاجلك خلصت عمري = ولاجلك سهرت جفوني =
جاسم يا ضوه عيوني =

شيهيد لهيب الروح = وشينشفه لدمعات
وشيفيد العتب والنوح = وجذب الونه والحسرات
وجسمك عل الارض مطروح = موذر بيه الف طعنات
يجاسم والدمع صبري= اصبح سلوتي وعوني =
جاسم يا ضوه عيوني =

طحت يوليدي عل التربان = ودمك عل الارض جاري
وعمك ينتحب جزنان = وانه اتوجرت ناري
انحب والكلب لهفان = وهيم بحسرة افكاري
اصرخ والدمع يجري = اشوف وليدي خلوني =
جاسم يا ضوه عيوني =

ولمن الخيم جابوك = يبني ويا صبح عيدي
شهكت روحي من حطوك = اصرخ يبني يوليدي
عريس الحرب سموك = ابدمك خضبت ايدي
يوليدي انشده فكري = بيك اعداي صوبوني =
جاسم يا ضوه عيوني =

اخبرك يبني يا مظلوم = عكبك محنة الايام
جتالك سباني اليوم = ومسبيه رحت للشام
نزف كلبي يسيل ادموم = وبيه اتفجرت الالام
آ يا محنتي وكسري = اسيره الكوم ودوني =
جاسم يا ضوه عيوني =

عمار جبار خضير
2007

[خادم الباقرع]

جزاك الله خيرا

[محـب الحسين]

وجزاك بمثله اخي العزيز