تويت
قصــــــيدة للإمام الحسن {ع}{گعــده}
***********************
خطّت إچفوفك سلم بيه ألظفر --- تنقذ الأمّة الهادي من الخطر
هيّه رادت للمحن --- وإنته رايد يالحسن
تنقذ الأمّة الهادي من الخطر
*****************************
عشت بأحضان ألنبوّه --- اوصرت للسيره مصدر
إنته مشعل للهدايه --- وقبس يحرگ بيه كل شر
إختارك الوالد وصيّه --- والنعم ياشبل حيدر
إبغرّتك نور الرساله --- وللإمامه إنته أجدر
ماهمّتك دنيه وترف
والعدل بأسمك من هتف
للأمّه مصلح والهدف --- تنهي كل ظالم أوتـگدر
نهج أبو ألحسنين نهجك للعدل --- غايتك عالخير تجمع للشمل
عادتك أهل ألفتن --- وإنته رايد يالحسن
تنقذ الأمّة الهادي من الخطر
*****************************
چان بالشامات حاكم --- لبّد إبكفره سماها
واشتره منها ألضماير --- والطمع شلها وعماها
گامت إعله الذلّه تزحف --- تلهث إبخسّة ضماها
وأنته يالمصلح إشرايد --- تحفظ ألأمّه ودماها
عافت الدين إبلا خجل ---
المتميز الناگه من الجمل ---
وعْليه بِنَت أتفه أمل --- تالي ضيّعها ورماها
تبعت إچفوف ألضلاله إعله الوهم --- وعافت إچفوف ألنبي إچفوف ألكرم
تبعت الشر عالمضَنْ --- وإنته رايد يالحسن
تنقذ الأمّة الهادي من الخطر
*****************************
لبن أبو سفيان شُوفه --- إتقَمّص ألدين ابصلافه
خالف إلنهج إلرساله --- وأعلن إلنفسه الخلافه
مايقر بالدين كافر --- وبمجونه اصبح خرافه
عن صلاة اوصوم ينها --- وطاعت الناس إلهتافه
متوارث الشر والحقد
عن غيّه قط لامايرد
إعله إبليس نهجه معتمد --- وأثبت إبنهجه إنحرافه
وابن ابو سفيان لأجداده إنتقم --- ذبح صوت الحق إبن عابد صنم
يردها رايد للوثن --- وإنته رايد يالحسن
تنقذ الأمّة الهادي من الخطر
*****************************
وانطوت حيلة الظالم --- عالنفوس البيها عِلّه
ألـگامت إتدوّر مناصب --- هيّه كثره وماهي قلّه
عافت ألدين إليعزْها --- وراحت إلمبدأ الذلّه
جرحت إلـچبد ألعقيده --- والجرح ياهو اليِشلّه
ولا واحد البيهم شهم يعاين على ألأمّه ويهم
بس همّه بجيوبه يلم --- بعد منترست السلّه
إبيا نهج سارت عليه هاي الزمر --- نست شرع الدين واعليها إشأمر
عافت إلكل ألسنن --- وإنته رايد يالحسن
تنقذ الأمّة الهادي من الخطر
*****************************
يبقه منهاج الرساله --- ثوره عالظالم وفكره
يظل وتدور ألسنين --- يفضح الحاكم ومكره
يكشف أرباب العماله --- العاشت بأوساط قذره
والضماير عدها ماتت --- إشيأمر الدينار أمره
ماعدها غيره ولاذمم
العافت ألأمّه إبهالألم
صار ألسهل يعله ألقمم --- والظلام إيصير گمره
مايلوگ إلها المشي إلّه بظلام --- إتعلِّمت عالسحت ولأكل ألحرام
والحلوگ إتلجِمَن --- وإنته رايد يالحسن
تنقذ الأمّة الهادي من الخطر
*****************************
صار صلح الحسن ثوره --- بوجه كل باغي وجاير
مهّد دروب إلجهاده --- لكل أبي إعله النهج ساير
ويظل صوت الحق يجلجل --- صوت كل محروم ثاير
يخنـگ أبواق الضلاله --- الحرّفت صوت المناير
نهج الحسن بيه الظفر
شافت أُميّه بي خطر
وعليه تعجّل بالسفر --- وينكم يهل الضماير
إبهذا حقده ليش سم إبن النبي --- يطفي نور الحق يريد ابن الغبي
إبحقده عالأمّه عِلَن --- وإنته رايد يالحسن
تنقذ الأمّة الهادي من الخطر
*****************************
ألمصــــــــــــــــــــــــيبه
********************
رحل ريحانة ألهادي --- إبحقد وبسم آل أميّه
والحزن صاب ألهواشم --- والنبي سيد البريه
رحل يتلـگّاه حيدر --- وأمّه فاطمة ألزچيّه
والحسين الشاف منظر --- چبد ابن حامي الحميه
إعله اعضيده گلبه منصدع
فاضت إعيونه بالدمع
من شاف چبده إبهالوضع
راح أبو محمد ياويلي --- وغفت عينه الهاشميّه
********************
***********************
خطّت إچفوفك سلم بيه ألظفر --- تنقذ الأمّة الهادي من الخطر
هيّه رادت للمحن --- وإنته رايد يالحسن
تنقذ الأمّة الهادي من الخطر
*****************************
عشت بأحضان ألنبوّه --- اوصرت للسيره مصدر
إنته مشعل للهدايه --- وقبس يحرگ بيه كل شر
إختارك الوالد وصيّه --- والنعم ياشبل حيدر
إبغرّتك نور الرساله --- وللإمامه إنته أجدر
ماهمّتك دنيه وترف
والعدل بأسمك من هتف
للأمّه مصلح والهدف --- تنهي كل ظالم أوتـگدر
نهج أبو ألحسنين نهجك للعدل --- غايتك عالخير تجمع للشمل
عادتك أهل ألفتن --- وإنته رايد يالحسن
تنقذ الأمّة الهادي من الخطر
*****************************
چان بالشامات حاكم --- لبّد إبكفره سماها
واشتره منها ألضماير --- والطمع شلها وعماها
گامت إعله الذلّه تزحف --- تلهث إبخسّة ضماها
وأنته يالمصلح إشرايد --- تحفظ ألأمّه ودماها
عافت الدين إبلا خجل ---
المتميز الناگه من الجمل ---
وعْليه بِنَت أتفه أمل --- تالي ضيّعها ورماها
تبعت إچفوف ألضلاله إعله الوهم --- وعافت إچفوف ألنبي إچفوف ألكرم
تبعت الشر عالمضَنْ --- وإنته رايد يالحسن
تنقذ الأمّة الهادي من الخطر
*****************************
لبن أبو سفيان شُوفه --- إتقَمّص ألدين ابصلافه
خالف إلنهج إلرساله --- وأعلن إلنفسه الخلافه
مايقر بالدين كافر --- وبمجونه اصبح خرافه
عن صلاة اوصوم ينها --- وطاعت الناس إلهتافه
متوارث الشر والحقد
عن غيّه قط لامايرد
إعله إبليس نهجه معتمد --- وأثبت إبنهجه إنحرافه
وابن ابو سفيان لأجداده إنتقم --- ذبح صوت الحق إبن عابد صنم
يردها رايد للوثن --- وإنته رايد يالحسن
تنقذ الأمّة الهادي من الخطر
*****************************
وانطوت حيلة الظالم --- عالنفوس البيها عِلّه
ألـگامت إتدوّر مناصب --- هيّه كثره وماهي قلّه
عافت ألدين إليعزْها --- وراحت إلمبدأ الذلّه
جرحت إلـچبد ألعقيده --- والجرح ياهو اليِشلّه
ولا واحد البيهم شهم يعاين على ألأمّه ويهم
بس همّه بجيوبه يلم --- بعد منترست السلّه
إبيا نهج سارت عليه هاي الزمر --- نست شرع الدين واعليها إشأمر
عافت إلكل ألسنن --- وإنته رايد يالحسن
تنقذ الأمّة الهادي من الخطر
*****************************
يبقه منهاج الرساله --- ثوره عالظالم وفكره
يظل وتدور ألسنين --- يفضح الحاكم ومكره
يكشف أرباب العماله --- العاشت بأوساط قذره
والضماير عدها ماتت --- إشيأمر الدينار أمره
ماعدها غيره ولاذمم
العافت ألأمّه إبهالألم
صار ألسهل يعله ألقمم --- والظلام إيصير گمره
مايلوگ إلها المشي إلّه بظلام --- إتعلِّمت عالسحت ولأكل ألحرام
والحلوگ إتلجِمَن --- وإنته رايد يالحسن
تنقذ الأمّة الهادي من الخطر
*****************************
صار صلح الحسن ثوره --- بوجه كل باغي وجاير
مهّد دروب إلجهاده --- لكل أبي إعله النهج ساير
ويظل صوت الحق يجلجل --- صوت كل محروم ثاير
يخنـگ أبواق الضلاله --- الحرّفت صوت المناير
نهج الحسن بيه الظفر
شافت أُميّه بي خطر
وعليه تعجّل بالسفر --- وينكم يهل الضماير
إبهذا حقده ليش سم إبن النبي --- يطفي نور الحق يريد ابن الغبي
إبحقده عالأمّه عِلَن --- وإنته رايد يالحسن
تنقذ الأمّة الهادي من الخطر
*****************************
ألمصــــــــــــــــــــــــيبه
********************
رحل ريحانة ألهادي --- إبحقد وبسم آل أميّه
والحزن صاب ألهواشم --- والنبي سيد البريه
رحل يتلـگّاه حيدر --- وأمّه فاطمة ألزچيّه
والحسين الشاف منظر --- چبد ابن حامي الحميه
إعله اعضيده گلبه منصدع
فاضت إعيونه بالدمع
من شاف چبده إبهالوضع
راح أبو محمد ياويلي --- وغفت عينه الهاشميّه
********************
تعليق