ولادة الامام علي الهادي (ع) ادخل هنا للبركه

[رياض الرسل]

ولادة الامام علي الهادي (ع)

*****************

أصواتـنـه أتـنـادي ------ بـحبك علي الـهادي
ميـلادك وصبـحـه ----- عـالـي يظل صرحـه
بـحبك عـلي الهادي

******************
ياعاشر أنــوار الهـدى هاليله فــرحـتـنـه
ترسم عـبارات الفـرح خـالص محبـتـنـــه
وأصواتنه تهـتـف الك والـدنيه سمـعـتـنه
تـبـقه رجـانـه سيدي وتبقه أنته غـايـتـنه
مـيـلادك ونــــوره
بـالـگـلـب دستــــوره
سامـره مـنـصوره
بحـبـك عـلي الهـادي

******************
مـيـلادك ونوره صبح يـاعـاشر الانـوار
حـفظ وهـدايه للبشر يبن النبي المخـتار
يالهادي تبقه محبتك بيها المحب محتار
محـد يـفسرهـا تظل بـين البشـر اسرار
ومحـبـتـك سرهـا
مــحـــد يـفســرهــا
بس يبقه ظاهـرها
بحـبك علي الهادي

****************
نـور الـولاده ظل يـشع وتحـولـن نـوريـن
واحد سكن وسط الگلب واحد سكن بالعين
واجـب تـظل محـبـتـك واجـب تظل وديــن
وحبك يظل ياسيدي ما عـدنـه مثـلـه أثنين
حـبـك يـظـل واحـد
وﮔـلــوبـنـه أتـعاهد
گلب المحب صامد
بحـبـك علي الهادي

***************
هـاي الجـمـوع بمولــدك تـرسل تهانيها
للمصطــفى سيـد البشر للامه هـاديـهــا
خل تبشر أجمـوع الاجت باچـر يجازيها
ربـك مـدام بـدفـــتـره مـكـتـوب أسامـينا
كـل واحـد الهـنه
لا يـﮔــطـع الـظــنـه
ويحـصل الجــنـه
بحبك عـلي الهادي

****************

خادمكم
رياض الرسل

[محب الرسول]

متباركين اخي الكريم

كتبت فابدعت

جزاك الله خير جزاء المحسنين

في ميزان اعمالك

[دمعة الكرار]

http://www.ahbabhusain.com/vb/mwaextraedit4/extra/11.gif (http://www.ahbabhusain.com/vb/mwaextraedit4/extra/11.gif)

[محـب الحسين]

متبارك اخي العزيز
عطر الله انفاسك
وجزاك خير الجزاء
http://www.ahbabhusain.com/vb/mwaextraedit4/extra/35.gif