استشهاد الامام علي الهادي (ع) ادخل هنا للبركه

[رياض الرسل]

علي الهادي بحزنه ولوعة أمصابه
نبچيلـه بـدمـع و بنـار لـهـابـه
*******************
علي الهادي تضل وسط الگـلـب نـاره
تسعــر والحـزن ماتخـلـص اســــراره
انصاره بشرف نبـقــه احـنــه انصاره
لأن واضح عـليـنــه امـأثــر غـيــابــه
*********************
علي الهادي جـرحـنـه العـنـه مانهـده
نضل نعـشگ هــواه كل احنه وانـوده
لأن مـسـمـوم راح ومـنـمــرد چــبــده
يضل يلهـب جـمـرها گـلوب احـبــابـه
********************
علي الهادي يضل بكـل گـلـب جــمـره
تـلهــب والجــرح مــايـبـرد اشكـبــره
الله ايساعــد امــه فـاطــمـه الـزهــره
شلون اتحـمـلت كل لـوعــة اصـوابـه
********************
عـلـي الهادي هــوانـه المانمل مــنــه
ولا نگـطـع رجـانـه ونگـطـع الضـنـه
بحـبـه انـفــوز كـلنـه ونـدخل الجـنــه
يشرفـنـه مـقــامه وشـمـت اتــرابــــه
*****************
عـليه ننحب عـليه وبـلـوعـة الغــربه
ومن نـذكـر ضريحه نـذكــر الكعـبـــه
النواصب فجـروهــا وطاحت الگـبــه
وعـلـيه يبقه يـون كل لحـظه محرابه
********************
يون محرابه واحنه وياه نون وانوح
لأن گلب اليحـبـه بكل وكت مجــروح
عـلينه اسيوف اميه والشماته اتلوح
مانخـشه حـقـدهـم احـنـه وارهــابــه
********************

خادمكم
رياض الرسل

[محب الرسول]

اللهم صل على محمد وال محمد

الف شكر شاعرنا الرائع

حشرك الله من محمد وال محمد

تقبل مروري

[محـب الحسين]

أعظم الله لك الأجر شاعرنا الكبير
طيّب الله أنفاسك
وجزاك أحسن الجزاء

[دمعة الكرار]