دارميات بحب الحسين ع!الشاعر حسين الساعدي

[صدى الطف]

اهداء لجميع محبين الحسين






روحي حمامه اتحوم بين الحضرتين--اترفرف على العباس بأشواق الحسين



يخسى اليكول انخاف خل يسأل الموت
سوينه درب احسين كل طوله تابوت


يخسى اليكول انخاف اي والله يخسه
دوم المحب لحسين منذوره نفسه


حبك يبو السجاد من الله واجب
فدوة الك يرحون كل النواصب



كون التمني ايصير والحظ حويته
ابروحي لابو السجاد بالطف فديته


ريتك يريح الهاب ترسل سلامي
والكربله ابكل يوم لحسين امامي


ماحاجة ويسألون لو شافوا العين
مجنون اَنه ايعرفون وبحب الحسين


لا والله هاي العين ما تنحسب عين
لوما تصب ادموم لمصاب الحسين


من عمت عين العين لو عز نبعها
لو ما تصب لحسين المن دمعها


ابجيله دم لحسين هذا اني ممنون
لو خلصن الدمعات ابجيله العيون


تلكه خدام احسين هيبة وزعامه
اترفعوا بالدارين دنيا وقيامه


بأسم الولاية دوم ثابت أساسي
وبراية الكرار ضل عالي راسي




بقلم
حسين الساعدي

[** خـادم العبـاس **]

شكرا جزيلا لك .. بارك الله بك

[محـب الحسين]

بسم الله الرحمن الرحيم
اللهم صلِّ على محمد وآل محمد

أحسنتِ اختي الكريمه
جزاكِ الله خير الجزاء

[صدى الطف]

عاشق البطل عباس

شكرا لمروركم على موضوعي وهذا شرف لي ووسام على صدري

مشكوووووورين والله يعطيكم الف عافيه

[صدى الطف]

محب الحسيين

شكرا لمروركم على موضوعي وهذا شرف لي ووسام على صدري

مشكوووووورين والله يعطيكم الف عافيه

[بنت البصرة]