تويت
السلام عليكم
اقدم لكم
قصيدة للرادود باسم الكربلائي
روحي مشتاقه وبعيد الدرب الملا باسم الكربلائي
- YouTube
الكلمات
روحي مشتـاقه وبعيـــد الـدرب روحي
روحي واللي ينتظر ليله صعب روحي
روحي واحبـــابي بديار الغرب روحي
ليـــلة الغربـــة طويــله وانتظـــرنا وانتظـــرنا ها يروحي
شوفة الأحباب صارت صعبه صعبه وماقدرنا ها يروحي
انظـر اقبـــور الأيمـــه هدموها مـــل صبــرنا ها يروحي
غربه والعايش بغربه يحــن غربــه
غربه طبع الفقد أهله يـــون غربــه
غربه والفاقد يعيش ابرعب روحي
للبقيــع اليمشــي يشعـــر بالظلامه والمصايب ع الأئمه
يكشف أصحاب الظلاله يا حقدهم هالنواصب ع الأئمه
ياوقت يجمعــنا يمــــهم والمــــآتم والمواكـب ع الأئمه
يمتى نوصلهم وندمي الصدر يمتــى
يمتى إلكــــل واحد انشيد قبر يمتــى
يمتى غايبنه يرجع عن قرب روحي
اسمع الزهرا الزجيـه من تنـــادي كل مسيه يا هظيمه
من يواسيني يا شيعه ابهالمصيبه وهالرزيه يا هظيمه
للبقيع أتعنى مــــره ... مــره يـم الغاضريه يا هظيمه
انحب تبقــــــى المدامع هامـــله انحــب
انحب بيــن البقيـــــع وكربــــلا انحــب
انحب ع المشرعه دمعي يصب روحي
الحسن قبره من اشوفه دمعي يجري من دم آه يدنيا
انهــــــــدم قلبــــي يدنيا ويا قبــره من تهدم آه يدنيا
والنواصب ما كفــاهم من تقطع جبده بالسم آه يدنيا
صوته يا شيعه ابقى بغربتــي صوته
صوته وين الليجي لزيــارتي صوته
صوته اتجرع الغربه غصب روحي
يـــم علـي السجاد وابنه انظر الطف والحراير واليتامه
اسمع اصوات العطاشى والثكالى ابلايا ناصـر واليتامه
واسمع بزينب تنــــادي يابو فاضل قلبي حايـر واليتامه
زينب نـــادت يــ شيــــال العلــم زينب
زينب بــــس العليــل ويا الحـرم زينب
زينب وانظر عضيدك عالترب روحي
يا جرح عـــاش ابدليلي مـــا تــركني لا نسـاني لا نسيته
للبقيـــع ابعـــث سلامي والمـدامـــــع يا زمـاني لا نسيته
والله لو عمري قضيته حسره حسره ما كفاني ولا نسيته
شمعه لو اشعل ابقبـــر الحسن شمعه
شمعه وانا اشتعل طول الزمن شمعه
شمعه يم قبــره خليــت القلب روحي
تعليق