تويت
بسم الله الرحمن الرحيم
اللهم صل على محمد وآل محمد وعجل فرجهم
اللهم صل على محمد وآل محمد وعجل فرجهم
في ذكرى أستشهاد السيد محمد محمد صادق الصدر
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بالكوفه صدع صوته الولي الطاهر == تحده الشر أبد ما خاف مولانه
نجم ضوه سمه الشيعه طلع بالكون == بالجمعه الشريفه أعلن أعلانه
رسم منهج يقاوم كل ظلم أشرار == لا للي بغد أعلى الدين وركانه
محمد صادق أبكوله وفي أبوعده == واجه كل ظلم والخير عنوانه
ما هزت علو صوته ضغينتهم == ولا ساعه طفت أنوار أيمانه
خطر صار الولي عالباغي والظلام == والباغي وكف معروف خسرانه
غدر غدروه ما كدرو على العالي == بجه الاسلام عالغالي العله شانه
والشيعه لفاهه الهم على المظلوم == ذاك العلعقيده عانه ما عانه
ــــــــــــــــــــــــــــــــــــــــــ
شهيد الحك محمد صادق الاقوال == صلاة الجمعه صلاهه ولينه أو زال
كل خوف أيغزي لكلوب أحبابه == من سلطة نظام الجور والاهوال
أول شيعي للجمعه ينادينه == يخاطب كل شباب الخير ألهم كال
أرفضو الشر ولا أطيعون كل ظالم == حبيبي الجلمه الحلوه غدت موال
بالحك دوم ينطق ما لفاه الخوف == شباب أتغيرت من حال لأحسن حال
ترابه مسجد الكوفه أله يشهد == للآن الصدى تسمع أله الاجيال
مثل صوت الولي الكرار مولانه == بالمسجد صداه أو بي هدى الكل ضال
بالمسجد علي جان الوعد عنده == راسه ينضرب ويسيل دمه السال
والسيد وعد عنده ينال الخير == شهاده خاتمه أبيوم جمعه أينال
مهو دومه أيخطب لابس جفن للدم == عارف سيدي لابد غدن ينغال
يغتاله شرار الناس بيهم خوف == من صوته البكه بأرض الوطن جوال
ــــــــــــــــــــــــــــــــــــــــــــــــــ ـــــــــــــــــــــــــ
مع تحيات شاعر أهل البيت / جابر النجفي
منقول
تعليق