تويت
قصيدة / يا روح البتول
..........................
..........................
لوله دم حسين ما دامت صلاة
وْلا عرفنه انثور عالشر والطغاة
يا منار الكون يا رمز الفداء
من فديت الدين ماردت الحياة
وبسمانه ايدور اسمك والعصور
عالي نجمك دوم يتحده الولاة
واليثور اليوم يهتف يا حسين
يا امام الخير يا سر النجاة
مني گال حسين هادينه الامين
من حبيب الله تحمل هالصفات
يا شهيد الدين يا روح البتول
ما رضيت افعال اولاد الرعاة
ثوره عالظلام حكام الفجور
وما رضيت اتعيش بالذله او سبات
حيدر الكرار ما تعرف سكوت
والظلم والجور واجهته ابثبات
من نويت اتثور لبو للنداء
صْحابك الاطهار ولد الطاهرات
ملحمة ابطال صارت كربلاء
قادو الصولات اعلام او اباة
سجل التاريخ اسماء او نجوم
منهم العباس نجل الطيبات
ما قبل عالضيم ما يعرف رضوخ
شسوه ابو النوماس يم شاطي الفرات
شاهد الله اعليه بالروح افتداك
ما يفرط بيك والحد الممات
بعده بالصولات ابنك يالحبيب
لاكبر المظلوم وابن الصالحات
چن علي الكرار مهيوب النزال
بالغدر صابوه فرسان او رماة
تعدو الاشرار عالطفل الرضيع
بالسهم ذبحوه عطشان البغاة
هالمصاب چبير متْحمله الجبال
يا صبر مولاي صبرك عالجناة
والعقيله اوياك تحمل هالجروح
والجروح البيك صعبه او قاهرات
حره واخت احرار زينب بالصمود
نصرت المظلوم بت الصافيات
صبر ابو الثوار صبرت عالبلاء
ومارضت بالذله خير الزاكيات
چن لسان المرتضى ابمجلس يزيد
تحمد الباري او تمجد بالحماة
تسأل الرحمان يقبل هالنحور
من ابن طه او قرابين التقاة
............................................
............................................
خادم اهل البيت ( ع )
الشاعر/
سعيد الفتلاوي الطويرجاوي
..........................
..........................
لوله دم حسين ما دامت صلاة
وْلا عرفنه انثور عالشر والطغاة
يا منار الكون يا رمز الفداء
من فديت الدين ماردت الحياة
وبسمانه ايدور اسمك والعصور
عالي نجمك دوم يتحده الولاة
واليثور اليوم يهتف يا حسين
يا امام الخير يا سر النجاة
مني گال حسين هادينه الامين
من حبيب الله تحمل هالصفات
يا شهيد الدين يا روح البتول
ما رضيت افعال اولاد الرعاة
ثوره عالظلام حكام الفجور
وما رضيت اتعيش بالذله او سبات
حيدر الكرار ما تعرف سكوت
والظلم والجور واجهته ابثبات
من نويت اتثور لبو للنداء
صْحابك الاطهار ولد الطاهرات
ملحمة ابطال صارت كربلاء
قادو الصولات اعلام او اباة
سجل التاريخ اسماء او نجوم
منهم العباس نجل الطيبات
ما قبل عالضيم ما يعرف رضوخ
شسوه ابو النوماس يم شاطي الفرات
شاهد الله اعليه بالروح افتداك
ما يفرط بيك والحد الممات
بعده بالصولات ابنك يالحبيب
لاكبر المظلوم وابن الصالحات
چن علي الكرار مهيوب النزال
بالغدر صابوه فرسان او رماة
تعدو الاشرار عالطفل الرضيع
بالسهم ذبحوه عطشان البغاة
هالمصاب چبير متْحمله الجبال
يا صبر مولاي صبرك عالجناة
والعقيله اوياك تحمل هالجروح
والجروح البيك صعبه او قاهرات
حره واخت احرار زينب بالصمود
نصرت المظلوم بت الصافيات
صبر ابو الثوار صبرت عالبلاء
ومارضت بالذله خير الزاكيات
چن لسان المرتضى ابمجلس يزيد
تحمد الباري او تمجد بالحماة
تسأل الرحمان يقبل هالنحور
من ابن طه او قرابين التقاة
............................................
............................................
خادم اهل البيت ( ع )
الشاعر/
سعيد الفتلاوي الطويرجاوي
تعليق