تويت
اعجبتني هذه الابيات الشعريه
فوددت ان انقلها لكم
ودي أمووت: اليوم وأعييش باجر
وأشوف منهو.. بعد موتي فقدني..!
ومنهو حملني لين.. ذيج المقابر
وأشكر أنا.. كل من كرمني ودفني
وبشوف .. يرثيني أنا كم شاعر..؟
ومنهو تركني .. وماكتب شيء عني
شخص تعنى لي .. مع أنه .. مسافر
وشخص قريب . وأنا ميت / طعني
وشخص يمثل دمعته .. وما هو قادر !
وشخص تطيح دموعه كل ماذكرني
ومنهو من أهلي في العزا كان حاضر
منهو دعى لي في [ صلاته ورحمني ]
منهو بنى [ باسمي ] سبيل ومنابر
منهو يفز قلبه .. إلا من لمحني
ومنهو عشاني: طول الـأيام ساهر ..!
ومنهو ثلاث أيام .. راح وتركني ..؟
ومنهو يرتب .. غرفتي ../ والدفاتر
وإن شاف [ صوره ] لي صاح وحضني
يالله عسى .. ماتغفى كل المشاعر
ياالله عسى .. ما ينصدم يوم ظني
خايف يروح العمر .. وأكون خاسر
وأن طار طيري .. مايفيد / التمني
وخايف يجيني وقت : أكسر خواطر
إن دارت الدنيا .. وزماني كسرني
ومدام هذي الدنيا .. صارت مظاهر
كل على كيفه .. وجوه يغني
الضيق وافي .. والحزن حيل وافر
والجرح أكثر شيء .. شفته يحبني
عايش وميت بين.. ماضي وحاضر
والصبر [ مفتاح الفرج ] ضاع مني
قل وش تبي وتتركني ياحزني آمر
مسكين فرحي / تصدق إن وحشني !!
(شاعر) ولكني : ماني بـ شاعر
ودي أموت اليوم .... وأرتاح مني !
تعليق