الى سيدة النساء فاطمة الزهراء ( عليها السلام)

[امجد حسين الموسوي]

شاعر والبــتول تعيش فكرة ويــــــــاي
بس شلون أفك باب الشعر وأقره
أنقفل بيت القصيدة وحرت أطبهه أمنين
أخاف ادفع الباب وألجم الزهره
ياأم الحـــسن محتار أوصفــــــــج بيش
زغير أبحـكــج وماأمتلك قــــدره
قطرة من البحر مريم تصير ويــــــاج
وبقية النسوة كلهه أجتمعت بقطره
أميرة أعلى النساء بس مالبستي التـاج
لأن جنتي أعلى راسج شايلة الفقره
أحترك بيت القصيد الكاتب أسمج بيه
أحترك من سمع بيتج ناره مستعره
محد يعرفــــج بس الله يعلم بيــــــــج
جا أشكد عظيمـــه وسرج شكبـره
أذا الحســـين ثورة وانتي أم حســين
يعني حسين منج راضع الثـــوره
كبـــــرج ماأدوره وحيدر الدفــــــان
مامعقوله حيدر ضـــمج بحفـــــره
لأن أنتي أمانه بركـــــــــبة الكــرار
حفر كبرج بروحه وضمج بصدره
الدليل أحنه بوفاتج من نروح نزور
نتعنه النــجف وأنــــــزورج بكبره
ماوصفج شمس لن الشمس تنشاف
وأنتي أمخدره وماشافوا خيالـــــــج
الخطار اليجي ماجــنتي تتــــــلكيه
يرد شبعان مدري شلون خطــــارج
أعله دارج جان مكتـوب الملك لله
يعني أيجار جانــــت مو ملك دارج
وبراس الشهر هم جنتي تحتارين
بس جبريل ينزل يدفع أيجـــــــارج
الشمس جانت تبات وياج من تغيب
أذا جـاهــه الظلام تلــــــوذ بنوارج
وهم كسروا ضلعهه وياج من صابوج
وضلت تنكسف من أثر بسمـــــارج
ومن شــعلوا النار أبيــــــتج أهل النار
يقصدون الجــــنين القصد مو دارج
كل ظنهم أبطنج شايلــــــه العـــــباس
خافوا لايصيـــر وياخـــــذ بثـــارج

لشاعر اهل البيت وليد العكيلي [/center]

[محب الرسول]

سلمت يداكــ بما كتبتــ لنا هنا
بانتظار جديد قلمكــ الفياض والمبدع
باحاسيس جميلة ورائعة
وبانتظار ابداعاتكــ المتميزة
الف تحية لك

[محـب الحسين]

أحسنت الاختيار
جزاك الله خيرا