شاعر يخاطب الحجة عليه السلام

[امجد حسين الموسوي]

تعال اشعطلك كل هاي السنين .................يالمهدي انظلمنه وطال الغياب
ندك باب الفرج بجفوف عباس........................بلكت لوشفتهن تفتح الباب
الهجر يذبح ذبح موبس السيوف...............أشكد أسنين هجرك كطعن اركاب
وصرنه أخلاف عينك شجرة بالجول..............وحيدة وحدر فيّها اينام حطاب
الجروح المايطيبن صارن اهواي.....................ماينحسبن اكثر من الحساب
وسكتنه اعلى الظلم بس حكمه مو خوف..........مثل سكتة السيف ابحلك الكراب
نتاني الياوكت ماينتهي الجور.........................اليكلك راح نخلص كله جذاب
الوضع نفس الوضع يتغير اشلون..................مدام الحمزة ميت وحشي ماتاب
ماجنك رسايل نصف شعبان.................اعلى شكل شموع بالشط كلهن أعتاب
النار العالشمع من نار الفراك.......................وهيج اكلوبنه اشلون الشمع ذاب
يالوجهك شمس معقوله الغيوم...........................تخلي ابينه ومابينك حجاب
أمبارك بالحلم مر زور العيون...................ولو من عدنه طارت حتى الاحلام
أذا زينب أبنصهن يغفن أشلون........................العين البيها زينب تكدر اتنام
اشوفك جرح زينب بلكت اتعود......................عندك طاقه تحمل ذيج الالام
بعدهي لبكربله وماتت الحوراء.....................ياهو الكال وصلت عدله للشام
زينب خجل ماتت عكب عباس......................عيون الناس ماينحسبن اسهام
تعال الكربلاء الأصل الجروح....................جروح البنه كلهن جوى الجدام
الشاعر
وليد العكيلي

[محب الرسول]

سلمت يداكــ بما كتبتــ لنا هنا
بانتظار جديد قلمكــ الفياض والمبدع
باحاسيس جميلة ورائعة
وبانتظار ابداعاتكــ المتميزة
الف تحية لك

[محـب الحسين]

أجدت النقل
جزاك الله كل خير

[أبو ذر السماوي]

أحسنت بارك الله بك أجدت النقل