تويت
زينب يكرار ... إتودع الحسين
لفراكه ما تكدر ... وتمنتك تحضر
لفراكه ما تكدر ... وتمنتك تحضر
إتودع الحسين
***************
بكربله يا علي إحضـر ... زينب بهاي المسيه
تودع حسـين ولواهـا ... وبالكلب ونـه خـفيه
جمعت بخيمتها أهلها ... بضعة الزهره الزجيه
وعيال يمها إتجمعت
وتخيلـت إمها إجـت
وصاحت يكرار وبجت ... مسـألت بويـه عليـه
يا بويه ما جيت ... إل كربله الحين
بدمعتها تتعثر ... وتمنتك تحضر
إتودع الحسين
**************
إنجمعت العيله الليله ... بخيمة حسين أبو اليمه
ويه زينب وداعه يحله ... من يشمها ومن تشمه
ومن شمته بنحره يحيدر ... مثل مـا وصتها أمـه
بدمعتها صاحت ياعلي
إحضر يبويه اليوم إلي
باجر أفارك كل هلـي ... والوداع الليله يمـه
صاحت يبو حسين ... ودمعتها بالعين
عل الوجنه تتطشر ... وتمنتك تحضر
إتودع الحسين
***************
كلـب زينـب يابــو زينـب ... الألـم والهـم إنســفه
شـلون ليله تودع أخوها ... حسـين وحسـين التعرفـه
إنفطمت بشوفة عيونه ... وعلى أجفوف حسين تغفه
زينب وكل العايله
تودع الحسين بكربله
ودمعتها عل الخد هامله ... ليله يا أبه الحسن كلفه
زينب والعيال ... للصبح صاحين
وريته الصبح لا طر ... وتمنتك تحضر
إتودع الحسين
*****************
شلون يابو حسين ليله ... من تودعه ويودعها
يكلها يازينب كفيله ... أنتي باجر وخـر دمعهـا
تكله والعباس خويه ... صفك وجها من سمعها
باجر على جرف النهر
تشوفين ياخويه الكمر
مكطع ومحزوز النحر ... والشمر أجفوفه يكطعها
والعلم والجود ... ويمهن الجفين
وراس الكمر ينطر... وتنمتك تحضر
أتودع الحسين
*********************
ريت يابه الحسن حاضر ... من يكلها شلون باجر
باجر أخيمج مسعره ... وتهجـم عـليـج الكواســر
وحرم وأطفال أتصايح ... وتصهل أخيول العساكر
وطفله يسلبها الشمر
وبثيابها ناروجمر
والحرم مسلوبة خدر... والشمر أعليها جاير
وياحيدر أنوب ... للكوفه ماشين
ومسلبه الخدر ... وتمنتك تحضر
أتودع الحسين
ــــــــــــــــــــــــــــــــــــــــــــــــــ ـــــــــــــــ
قاسم طاهر القاسمي
منقووووووول
الثاني من محرم / 1434
تعليق