تويت
السلام عليكم ورحمة الله وبركاته
اول شي صحيح الموضوع تشوفه جبير وطويل وكله كتابه بس صدكني الموضوع شيق ومهم ومفيد ولازم تكمله للاخير حتى تكدر تحمي نفسك
وتفتهم شلون يخترقون الان وتتجنب الاختراقات .. لهذا فرغ نفسك والموضوع ما يطول اكثر من ربع ساعه قراية لهذا اقراه للاخير ولكم الاجر والثواب
الموضوع مهم جدا وهذه بعض النصائح قبل البدأ لكل الاعضاء
اتأكد من اخر تسجيل دخول الك جنب اسمك دائما
كم التاريخ وكم الساعه .. وهذا مهم جدا للاعضاء المشرفين والاداريين والبارزين
وقم بتسجيل الدخول من صفحة الدخول ولا تسجل بعد من اي صفحة اخرى حتى لو تشبه صفحة الموقع .. انت فقط سجل
دخولك اول ماتدخل من لوحة تسجيل الدخول
لا تحمل شيء مشكوك فيه .. لغير المدير والاعضاء البارزين والمشرفين
نأتي الان لطرق اختراقهم للاخرين وكيفية تجنبها
####################################
مرات توصلك رسائل خاصه من اعضاء جدد بيها صفحات تشبه صفحات الياهو ماسنجر او الفيس بوك او تويتر او الهوت ميل
ويكولك مثلا هذا خوش موقع او خوش كروب بالفيس بوك ادخل او شوف وانت تفتح الصفحه
رح تلكاها نفسها صفحة الفيس بوك او الياهو او الهوتميل او ووو .. الخ رح شتسوي تسوي تسجيل دخول بالصفحة نفسها وانت ماتدري هي مزورة وغرك المظهر وراها رح توصله معلوماتك الي سجلت بيهن
فلهذا للتجنب لا تستقبلون هيج صفحات ولا تفتحونها وتجنبوها وتجنبوا الاعضاء الغرباء والمشكوك فيهم ولا تسجلون دخول لانها صفحات مزورة لسرقت حساباتكم
#####################################
احياننا توصل رسائل بالخاص او بالمواضيع مثلا يكتبلك بيها شوف هاي الصوره حلوه كلش مال الامام الحسين او الامام الفلاني او مو شرط اي صوره انت مباشرة رح تطلعلك صفحة بيها مكان يطلب منك باسووردك ويوزرنيم
انت لا تخليهن لان هذه نوع من انواع الثغرات .. وصحيح تفتحلك الصوره وتشوفها بس بنفس الوقت ماتدري انه معلوماتك وصلن للمخترق فلا تسجل ابدا
الا فقط من لوحة تسجيل الدخول بعد غيرها لا تسجل دخول ...ولا تنسى تسوي تسجيل خروج من الموقع قبل لا تطلع
تعليق