كل عام بمحرم مانعوف اثنين..نخدم باليزور ونعتني لحسين؟لسان زوار وخدام الامام الحسين عليه السلام

[محـب الحسين]

كل عام بمحرم مانعوف اثنين
نخدم باليزوره ونعتني لحسين

نخدم باليزورك الخدمه جابتنه..من بعد الطبك يحسين عادتنه
نوكف عالدرب ونتاني رايتنه..نركض عاليجي مشايه كلتنه
نخدمك سيدي بالروح احنه وعين

نخدمك سيدي وارواح نفديلك..ونخدم باليجي كاصد وعانيلك
نخفف من تعب كلمن أيجيلك..نشد احزام للخدمه بصبر حيلك
ونشد لخدمتك يحسينه أحزامين

نوكف بالمواكب ندري بيك تعود..وتدري الروح الك اجود بالموجود
ماتهمنه المخاطر لوذكرنه الجود.. ونذكر الطف وبيه كثره حيود
ونذكر الساقي وجوده والجفين

مثل نهر الفرات انشوف زوارك..تجري وي النهر متعنيه لمزارك
شدة كل حزمه اليوم احرارك..تريد اطفوف بالحضره عل انصارك
تتمنه خدم لحسين والسبعين

نتمنه خدم دمعاتنه نهله..خدامك ياابو السجاد صد اله
احجي وي الكفيل الخدمه يقبله.. نريدك بالسجل مولاي سجله
خدام والك يحسين ماشين

خادمكم اجه أوشايل اذنوبه.. وبدرب المشي مقبوله التوبه
كل خطوه الك ندريه محسوبه..تكفير الذنب بالممشه مطلوبه
يااوسع سفينه وانت المعين

خادم اهل البيت
ابو علي السعيدي

[احزان كربلاء]

شكرا جزيلا على القصيده
جزاك الله خير الجزاء

[محـب الحسين]

شكرا جزيلا لمروركِ العزيز

[محب الرسول]

اجدت الانتقاء


جزاك الله كل خير
موفق بأذن الله

[عبد الحق]

بسم الله
السلام عليكم

الله الله

أنها تنبع من القلب وتروّي قلوب المحبين

لك أخي العزيز خالص الشكر والامتنان

[محـب الحسين]

شكرا جزيلا لمروركم الكريم