شهر عن سلمان واتعنیته

[محب الرسول]

شهر عن سلمان
من اروع ما کتبه المرحوم ملا اسماعیل الفیصلي(رحمه الله)
شهر عن سلمان واتعنیته.............حسین یمک لیش ماحضریته
انت سیف الله ورحمته ونقمته
وانت جبرائیــــل کاشف کربته
انـــت حتی آدم نصرته بتوبته
لیش ابو السجــــاد مانصریته؟؟
******
انت عین الله وعلی العالم نظير
انت کل الخلگ بوصافک تحیر
عگب ابن عمک فلا غیرک یصیر
انت موحة نوح وانت انجیــــــته
*******
انـــت عبدالله الخصوصي والدليل
عگب ابن عمک فلا صحلک مثیل
انت والله البـــــــــردت نار الخلیل
ایفور گلب حسیـــــــــن ما بخیته؟
******
انت جنـــــــة الله وی ناره وعذاب
انت (حا میم) الهدی وذاک الکتاب
انت والله اتترجم الموسی الجواب
لیش صاح حسیــــــن ما حاچیته؟؟
******
انت ذاک البسمک البـــــــاري قسم
قاف والقــــرآن مع نــــــون وقلم
انت عیس من الصلب بسمک سلم
وسهم چبــــــــد حسین ما منعیته
*****
انت بیک اتحیرت عشرة العقول
یا مدیر الفلـــــک یا زوج البتول
انت چم شدة اکشفت عن الرسول
شلون حاطوا ببنک وخلیته
******
شلون حاطوا ببنک بذیچ الصفوف
یاعلي ویهنیک فعله اویا الألوف
انت والله بکربلا وحاضر تشوف
شفعل بالخیل ابنک الحضریته؟؟
*******
یا منیــــــــع الجار یا عز الذلیل
یا مطوع الجان یا حامي الدخیل
شلون صبرک وانت تنظر للعلیل
مگیـــــــّـــــد وچتوف ما فکیته؟؟
********
انت حلال المشاکل من تضیـــــــج
وانت مایبعد علی احصانک طریج
انت أمر النار بیـــــــــدک والحریج
بالمخیــــــــــــــــم ثار ماطفیته؟؟؟




https://fbcdn-sphotos-a-a.akamaihd.net/hphotos-ak-ash4/s480x480/380350_393917447357853_1149819376_n.jpg

[احزان كربلاء]

بارك الله فيك اخي
يعطيك العافيه

[محـب الحسين]

قصيدة رائعه
رحِم الله الشاعر ملا اسماعیل الفیصلي
أجدت النقل
مأجور ان شاء الله