صباح الخير يمه

[احزان كربلاء]

السلام عليكم ورحمة الله وبركاته


صباح الخير يمه تلـگي ابنچ جاي
گومي من الگبر وبلهفه شميني
صباح الخير يمه وگومي افتحي الباب
طولت بغيابي ارجوچ اعذريني
مرت مده يمه ورسمي عنچ غاب
بس موبيدي والله وزين تدريني
انه وليدچ ييمه وماأخون رباچ
بس الغربه حالت بينچ وبيني
گوميلي ييمه وكسري السرداب
وبنفس الچفن وياچ غطيني
****
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
****
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
****
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
****
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
****
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ كملت ديني



منقول

[جمرة الصبر]

احزان كربلاء

رائعة الابيات والكلماااات تنكمش وتتضاءل في حق الام ..

الله يحفظ امهاتنا يااارب ويرحمهم برحمته الواسعة الاحياء منهم والاموات ....

خيه وفقتي بالنقل الرائع وننتظر ماتقدمه يمناك .....

[احزان كربلاء]

شكرا لمرورك اختي اسعدني كثيرا لاعدمتك

[دمعة أهل البيت]

شكرا على القصيده جميلة ومؤثره وربي يحفض امهاتنا ويديمهن ئلنه شمعه

[عبد الحق]

بسم الله
السلام عليكم

شكراً جزيلاً لك
على النقل الجميل

[احزان كربلاء]

شكرا لمروركم العطر

[وعد عباس]

محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني


مؤلمه الكلمات لأنها طلعتّ من قلب فاقد

الله يرحم جميع المؤمنين والمؤمنات

[احزان كربلاء]

نورتي عزيزتي تسلمين

[نبض قلبي حسين]

بارك الله فيك
جزاك الله خير الجزاء

[احزان كربلاء]

شكرا لك اختي

[أنوار الولاية]

يسلموووو .. ويعطيك العافية