تويت
الحسين الخالد
*********************
المحب من يحتصر ويصيبه هم وجور**** يصيح بصوت يندب يارسول الله
ولو طاح الموالي وشدته كـــبرت** يتـــــــــــــــوجه لعـــــــد حيدر علي مــــــــــــــــولاه
كلي شلون تثبتلي نبينه مات**وابد مامات واحد والبـــــــــــــــــــــشر تنـــــــــــــــخاه
وابد ماماتو اهل البيت لليوم**معقوله اليموت الناس تترجــــــــــــــــــــــــــــــــــــــــاه
واذا رايد ادله وغايتك تدقيق**تمعن زين بالـــــــــــــــــــــــــــــقران من تقـــــــــــــــــــراه
وما طاح الحسين وما لمس التراب**النبي المـــــــــــــختار كام بهيبته الملــكاه
مد ايده الكريمه اتلكه بيهه حسين**وحضـــــــــن سبطه الحبيب وقبله بعيناه
وابو الحسنين كام وجرد الفقار**واجه يم الحـــــــــــــــــسين بشخصه وتلـــــــكاه
واجت بضعة محمد والضلع مكسور**دمع ونوح زرعت بالطــــــــــــــــفوف واّه
واملاك السمه جردت سيوف النور**من شافت جــــــــــــيوش الشـــــام تتحداه
وهبط جبريل فوك جيوشهم غضبان**يزيل الجيش كـــــــــــله لو طبك جنحاه
ابابيل الطيور الباري ارسل ليه**وغيمه ارسل علــــــــــــــيه من الشمس غطاه
كلهه تنتظر امرك يبو السجاد**بامرك سيدي يغير الــــــــــــفلك مســــــــــــــــــــراه
ولو طاح الحسين وخده مس تراب**جا ارض وبشـــــــــــــــــر زالت لجل دعواه
وجا دار الزمن وتغير التاريخ *** وجا نور الشمس مايوم ابد شفنـــــــــــــاه
ونحر حسين ابد ماكطعته السيوف**نحره اللي كطـــــــــع سيف الذي عــاداه
ولا قصة عطش والماي عنه بعيد**لان كوثر الجنه ملامســـــــــــــــــــــه لشفاه
اذا شنهي القضيه الحيرت العقول**وياواجب مقـــــــــــــــــــدس بالـــــــــدمه اداه
اسرار القضيه ارتبطت بهالدين**راد يزول كله وتنتــــــــــــهي ذكــــــــــــــــــــــــــراه
وقصة هالذبح من ربنه سوه الكون**ونبي ابراهيم قصـــــــــــــــة هالذبح رؤياه
من شاف بمنامه يذبح اسماعيل**عرف عبره بمنامه الخـــــــــــــالق امتحناه
ومن فسر الرؤيه وحضر السجين**لن الباري وباعظم ذبـــــــــــــــــــــــــح يفداه
واصل هذا الذبح تدرونه ابو السجاد**اختبار يصير للمؤمــــــــــــــن كبر بلواه
اثاري الدين اهو العطشان مو الحسين**وراد اطهر دمه تحيــــــيله كل دنياه
وندري بالحرب تلبس دروع الناس**وجيش حسين كلبه اعلــــه الدرع حطاه
وسكو دين النبي بدمهم مكان الماي**ولجل حسين كل ذيـــــجه الدمه تفداه
وظل عطشان دين المصطفه ويلوب**الدعي ابن الدعي عطشان اهو خلاه
صاروله شريعه اولاد سيد الكون**ظــــــــــــــنهم يرتوي وبلجي تخف شكــــــواه
وطكت غيرة العباس لجل الدين**كمر عــــــــــــــــدنان ماكصر ابد حاشـــــــــــــاه
سمع صرخات دينه تنادي ياعباس *** انكلب بركـان جي دينه الذي نـــاداه
كصد نهر الفرات ورايته ترف فوك**وترس جـــــــــوده بشهامه وغيرته ونخواه
لن الدين من عباس راد اكثر**وهب دمه وحيـــــــــــــــاته ويســـــــــــــــرته ويمناه
ومن شاف الحسين الددين ظل عطشان***واصوله اتــــلوذ كلهه بصايته واحماه
كص منه الوريد وكطع الشريان**وسكه كل الـــــــــــفروع وخضرن بدمــــــــــــاه
تكريم الاله الفاجعه الصارت**وســــــــــــام من المجد ربنه منـــــــــــــــــح وانطاه
وردت من جديد وعادت الفجار**عاد ايزيد كــــــــــــل اهل الــــــــــــــــــجهل وياه
عله امرين ركز سله لو ذله**مانحضع ابد والـــــــــــــــــــــذل فلا نرضــــــــــــــــــاه
نظل لجلك نضحي ونوهب الارواح** ويومك سيدي نقسم فلا ننــــــــــــــــــساه
وخل تتغير التفعيــــــــــــــــــــله من انصيح**ابد والله ما ننسه حســــــــــــــــــــــيناه
تعليق