تويت
الحسيني الحقيقي
*****************
يسمونه حسيني وشاعر اهل البيت***شاعرنه اليـــــــــــــــــــصوغ اوزانه بالعبره
ويسمونه حسيني وخادم اهل البيت***رادود القصــــــــــــــــــيده لو قره بحســــــره
ويسمونه حسيني وتابع اهل البيت***كل واحد ينــــــــــــــــوح ولو لــــــــطم صدره
وميلوك اللقب بس للخدم باخلاص***وخلص كل حيــــــــــــاته بخدمــــــــة العتره
الحسيني من صدك مسلم سفير حسين***كريم وبالشجاعه العالم ايــــــــــــذكره
الحسيني من صدك عباس ابو الكلفات***بحب حسين ابد ما همته الكثـــــــره
وماهاب الجيوش ولا يهاب الاف***من حيدر اخذ عبـــــــــــــــــــــــــاس هالشمره
لجل دينه وامامه ضحه بالاخوان*** اوهب دمه وحياتـــــــــــــــــــه ويمنته وبسره
الحسيني من صدك عابس حبيب حسين***حـــــــب حسين جنه وقدمه العمره
الحسيني من صدك اصحاب ابو الاحرار***صارو للنـــــــــــــــــبي انصار والزهره
ضحو بالدمه وقدمو اعز ارواح*** وكتبو للبــــــــــــــــــــــــــــــشر درس والف عبره
الحسيني من صدك كلمن نصر الحسين***ويظل حسين ينصر كلمن ينصره
وحسيني اللي يصير حسين أله عنوان***بمنــــــــــــــهاجه يسير ويقتدي بأمره
وحسيني اللي اخذ من كربله العبرات***وذكر حســــــــــين يسري بروحه وبفكره
وحسيني اللي حضر مجلس لابو السجاد**يحضره بكل صدق واخلاص وبفطره
وحسيني اللي خفض جنحانه للربوه***جنح أيــــــــــــــــــصير فيّ الهم جنح كمره
وحسيني الما يبيع أصحابه وكت الضيج***يصير الهـــــم غطه لو بنيت عوره
وحسيني اللي يتفانه بخدمه الاطهار***سمعه مايريد ولا يـــــــــــــــــــــــــحب شهره
وحسيني اللي وهب حب الجميع الناس***وباعماله وســــــــــــــلوكه الوادم اتذكره
وحسيني اللي رضع طيبه وكرامه وزود***من صدر العقيده الصادقه الـــــــــــحره
وحسيني اللي حزن لمصاب أهل البيت***وكل مجلس يصير يصونه ويحضره
وحسيني الماتهزه الريح والصدمات***ولوجار الزمــــــــــــــــــــــــــــــــــــان ولوح بشره
وحسيني اللي يمد ايده بكرم للغير***ولوطاح الصديق ايشـــــــــــــــــــــــــيله ويعبره
وحسيني المارفع صوته اعله صوت الحق***جي من الحسين الحق بزغ فجره
وحسيني الماتخوفه أهل الذبح وارهاب*** جبل عالي بشموخه محد يكـــــــــــسره
وحسيني اللي نكر اهل البدع والجور*** وعدوان العقيـــــــــــــــــــــــــده منهم اتبره
وحسيني المايخون اخوانه والوافوه *** يصير الهم جــــــــــــــسر لو طكت العبره
وحسيني هالقلم لو ما يدور جاه *** وذكر حسين دوم بمنـــــــــــــــــــطقه يسطره
وحسيني هاللقب تاج وفخر للناس*** وصعب هذا اللقــــــــــــــــب لو رايد اتفسره
وكل واحد حسيني يصير بالاخلاق **** ومن حزنه تعرفه ومن حـــــــــــجم صبره
وشاعرنه يحصل عاللقب لو راد*** بس لحســــــــــــــــــــــــين يكتب يخدمه بشعره
وميسموه حسيني وشاعر اهل البيت***اليوم اهنا وباجر عـــــــــــــنده جم سهره
واذا انته حسيني لقبتك هالناس*** عمرك هاذ للـــــــــــــــــــــــــــــــــــــــــوادم تره اتنذره
ولو رايد تصول وتنكلب بركان *** بس حب الحسين يفجــــــــــــــــــــــــــــــــر الثوره
تعليق