قصيدة (سر الله بحق ابا الفضل العباي) بقلم احمدسلام البركي

[احمد سلام بروش البركي]

(((((سر الله))))
مانكدر نوصفه البطل عباس
معروف ابو فاضل حين يحتد
اطلب حاجتك من عنده شتريد
وكل مكسور خاطر يمه يضمد
اهو باب الحوائج نصبه حسين
تــــــاخذ حاجتك مبخوت باليد
اذا كلنه ابو فاضل لو نخيناه
عزم ينخه عزم والحيل يشتد
ما ينجاس غيضه بيوم يختاض
ارض وادي الطفوف عليه يشهد
اذا راد الــــركب يوميله اوماي
تجي بوضع انحناء ويمه تمتد
ملك الموت يمشي ويبره وياه
وكف يحسب الماتو تيه العد
بركان الشجاعه يفور نوماس
وذا بركان يعني اشلون يبرد
اريد اسئل سؤال ورايد جواب
واخذ صفنه طويله واتقن الرد
المثل عباس من اتوصفه شتكول
اشكثر تكدر توصف يعني اشكد
يكفيك الشجر لوصار قرطاس
واخــذ ماي البحر لقلامك المد
من تحسب فضائل تبتدي منين
بحر يجري فضائل ماله كل حد
عجز وحي الخيال اوافق الراي
عجز عاجز مقابل ظن مؤكد
اذن سر الله وخله ســـــر بيه
فقط هوه يعرفه الواحد احــــد

(((بقلم خادم اهل البيت الشاعر احمد سلام البركي)))

[احزان كربلاء]

بارك الله فيك اخي

[اريج الجنه]

سلام الله على قمر بني هاشم
كلمات جميله ورائعه بحق ابا الفضل
بوركت

[محـب الحسين]

نرجوا الانتباه الى الاخطاء الاملائيه
جزاك الله خيرا

[احمد سلام بروش البركي]

اشكرك اخي جزيل الشكر وشكراً للاهتمام والمتابعه (استاذي العزيز)
اخوك الاقل احمد سلام البركي

[احمد سلام بروش البركي]

الله يبارك بيك اخي العزيز نسال الله العلي القدير
ان يوفقنا واياكم لخدمت ال البيت عليهم السلام

[احمد سلام بروش البركي]

الله يبارك بيك اخي العزيز
(((محب شيعي ))) ونسالكم الدعاء