الله عالم

[الشاعر ابو لقاء البهادلي]

بسم الله الرحمن الرحيم
اللهم صل على محمد وال محمد اولي الامر الذين فرضت طاعتهم
اللهم وفقنا لخدة الحسين عليه السلام
قصيدتي بعنوان الله عالم {موشح تام وتسمى ايضا 3/4شيعتي}


الله عالم **** بحب الحســـــين ونهجه تربيتي

اتمنه خادم *** خادم حقيقي ومخلص بنيتي

دعائي **** ابقه بولائي
********************
فطره حب حسين والباري زرعـــــــهه

احمد الله واشــــــكره بكلبي طبـــــــعهه

وكل كرامات البشر دمـــه الصـــــنعهه

شلون شــيعه اللي عليه متهل دمعهه

يبقه حدادي ***** كلما اذكره تهمل اعيونـي

هذا سوادي ****** دايم البسه شما يلوموني

بدمائي**** ابقه بولائي
******************

اني من جنت بمهد غـــــــــذوني حبـــــه

والعلك حـــــــــدر المخده بنصه تربــــــه

كمت احس بيه وبشعوري جني قربــه

والعطور الجنت اشمه حلـــــــوه عذبـــــه

عذبه عطوره *** كلمن موالي ومخلص يشمهه

ولو يزوره ***هاذي العباره يمه يفهمــــــــــهه

بوفائي ***ابقه بولائي
**************************

ارتباطي من الصغر ويه ابو اليمه

امي تقرالي نشيد تلولي باسمـــــــه

جنت احس بيهه تنـــــاغيلي وتكلمه

وعلمتني اعله الطريق البيهه اخدمه

من الولاده ***عالخدمه هاذي اهلي علموني

والسعاده *** حبه بحليـــــــــبي همه غذوني

رجائي *** ابقه بولائي
**********************

حسين من وكت الطفوله اصبح نشيدي

بحبه يجري هالدمه وينبض وريـــــدي

بالشـــــــــدايد عندي ابو اليمه عضيدي

ولو يسجلني ابكتابــــــــــه يصير عيدي

امنياتي *** اتمنه اسمي بدفتره مكتوب

كل حياتي *** تبقه خدمتي ومنهه لاماتوب

هنائي *** ابقه ابولائي
***********************

اهلي زرعو هالمحبـــــــــــــه من اساسي

واصبحت هالخدمه الي تاج اعله راسي

بــــــــروحي تسكن كربله وذيجه المئاسي

ابقه طول العمر اني اخـــــــــــدم وواسي

هذا عهدي ***ما انسه يوم حسين ومصابه

اوفيله وعدي *** وابقه اذل الروح يم بابـــه

بلوائي *** ابقه بولائي
*************************

والله لوما حسين ما تسوه حياتي

هوه كلشي بدنيتي وكل امنياتي

ساكن بنص الكلب وبذكريــــاتي

وانه لو عنه ابتعد اعلن ممــــاتي

لو اسئله ***هوه وعضيده ما يخيبــــــــوني

ما امله *** حته لون كل ساعـــه فجروني

بفدائي ****ابقه بولائي
***********************

[محـب الحسين]

طيب الله أنفاسك
وجزاك خير الجزاء

[عاشقة ام الحسنين]

اللهم صل على محمد وآل محمد وعجل فرجهم ياكريم
يعطيك الف عااااااااااافيه
بارك الله فيك على الكلمات
أحسنت على الانتقاء الرااااقي ومتميز

[محب الرسول]

http://www.ahbabhusain.net/vb/mwaextraedit4/extra/75.gif

[عبدالله الشاعر]

السلام عليكم
اخي وصديقي
والشاعر المتالق
شاعر العتره
اقول امام هكذا ابداع رائع بل تعديت الرائع باجمعها
واقول احسنت وانت الثر حسنا وروعة ادام الله لنا
شخصك قبل قلمك المبدعان معا وانحني اجلالا واحتراما
لك امام الناس وبدون مجامله وتستحق اكثر ورب الكعبه
واصل ابداعك هنا ولك كل الاحترام
تلميذك الصغير
دوما
عبدالله العتابي