حالة الزهراء قبل وداع ابيها صلوات ربي عليهما

[الشاعر ابو لقاء البهادلي]

بسم الله الرحمن الرحيم
اللهم صل على محمد وال محمد



الام هاي المسيه***تبجي دمه الزجيه

*******************************
بعده النبي ما ودع ***واتحزمت عدوانــــــه

واحد يتهمه ايهجر***ذاكه الفقد ايمــــــــانه

متغيره هاذي البشر***تركو نهج قرئانـــــه

زادو عليه الامـــه*** زادت يشيعه احزانه

منعوه من الوصيه****تبجي دمه الزجيــــه

**********************************

وصه علي بوصيه***كله الصبر ياحيـــدر

كل حقك يغصبونه***كلشي عليك مقـــــدر

هذا الامر ياحيــدر***بأمر الجليل اتقـــــدر

انته العهد تصونه***غيرك ابد ما يكــــــدر

نار القـــلب سريه **** تبجي دمه الزجيه

**********************************

جور وظلم يحيدر***من هالبشر تلكوهه

اول مصيبه بعدي***ام الحسن ياذوهـــه

شيء الذي ياذيني***ياحيدر يســــطروهه

سيفك يظل بكرابه ***لو هالعده يكسروهه

تتـــــــحمل الاذيه ***** تبجي دمه الزجيه
********************************

حكمه وجـــرت ياحيدر***وبهالقضــــيه اخبـــــرك

بعدي المئــــــاسي كثره*** مظلوم يخلص عمرك

جور وظلم والاحزان***كلهه تذلهه بصبــــــــــرك

تلكه الشهاده بيهـه***سيف الشقي اليطبـــــــــرك

خلــــــــــــي الصبر هويه **** تبجي دمه الزجيه

**************************************

بعدك تظــل الاطـــهار*** كل الاذه يشوفونـــــــه

ضـــــــــيم وهـــضم وبالام***ياحيدر يعانونـــه

ســــــم وذبـــح وباحزان*** كل العمر يكظونه

والدين يابه الحسنين *** باطهر دمه يصونونه

لو لاحت المنيه ***** تبجي دمه الزجيه

***********************************

انته الوصـــي ياحيدر***انته الذي تدفنــــــــي

بصـــــبرك تظل البشـر *** بحب ودمع تذكرني

وادريك كدهه ونــعم ***متخيبه انته الظنـــــي

تدري شــني الياذيني***يوم السبي يهضمنـــي

والعتره هالمسبيه ***** تبجي دمه الزجيـــه

************************************

[محب الرسول]

بِسْمِ اللهِ الرَّحْمنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ
آحسنت الطرح النورآني الفاطمي الطاهر
جزاك الله خير الجزاء
وجعله الله في موازين حسناتك
حفظتك مولاتي الزهراء
تحياأإأإتي الولائيه..,,

[عبد الحق]

بسم الله
السلام عليكم

طيب الله انفاسكم العطرة

وجزاكم خير الجزاء

[الشاعر ابو لقاء البهادلي]

اخوتي محب الرسول وعبدالحق

دائما شكري متأحر

شكرا لكم من صميم قلبي المجروح وتقبلوا تحياتي

[حسينية فاطمية]

[الشاعر ابو لقاء البهادلي]

الاخت حسينيه فاطميه

اشكرك على التصميم والمرور ووقوفكم معي

لقد اخبرت الاخ محب الحسين باني لا اشترك في الوقت الحالي باية قصيده

لاترك المجال لاخوتي الشعراء الاعزاء ولكني سارد على اي مرور

ونسيت ان اذكر هذا الكلام لاخوتي محب الرسول وعبد الحق