خل يجري دمنه

[الشاعر ابو لقاء البهادلي]

بسم الله الرحمن الرحيم

اللهم صل على محمد وال محمد

القصيده بعنوان خل يجري دمنه من وزن {الموشح التام } وتسمى ايضا {3/4 شيعتي}

واسالكم الدعاء

خل يجري دمنه ***** مانرضه ذ لنه
*******************
احنه لوما حسين جا عشـــــــنه بمذله

نبقه نمشي بهالدرب لا ما نبــــــــدله

والله عدنه اعظم شرف لو متنه لجله

نبقه بدربنه ***** ما نرضه ذ لنه

*************************

حسين صارلنه الوسيله ونهجه غايه

دمه ثبت منهج الـــــــــــحق والولايه

بفكره نتحده النواصب والمــــــنايه

ندري دربه ومنهج تصونه الدمــايه

وشما يمرنه ***** ما نرضه ذ لنه

************************

يبقه عالي بمنهــــــــجه يرفرف لوانه

موجديــــــــده لو غدر ســــالت دمانه

يشـــــــــــهد التاريخ ألنــه وكل زمانه

يموت شيعي يصير الف شيعي بمكانه

رغم اليضدنه ***** ما نرضه ذ لنه

*********************

هدف عنده حسين من ثار بثورته

يريد من كل البشــر تمشي بفكرته

وترفع بوجه الظـــلم بالعز كلمته

وتاخذ ادروس الفخر من دم صحبته

هذا هدفنه ***** ما نرضه ذ لنه

************************

بثورته اهداف وعـــبر كلش عظيمه

الناس كلهـــه ايريدهه حره وكريمه

وترفض الطاغوت ويه اهل الجريمه

وابد ما ترضه المـــــــذله ولا ظليمه

ويظل عهدنه ***** ما نرضه ذ لنه

***********************

حسين دون بيده منهاج الشـــــــهامه

واحنه من الطف احذنه اعظم علامه

المات يعــــــــدل لو كظه لجل الكرامه

ايصير شاهد عالظلم يوم القيامــــــــه

تهتف زلمنه ***** ما نرضه ذ لنه

***********************

احنه نتـــــــشرف روافض جعفريه

نبقه نتحده الظـــــــــلم والنا صبيه

وابد ما نترك طريــــــق الغاضريه

حتى لو كل خطـــوه نلكاهه المنيه

دايم رفضنه **** ما نرضه ذ لنه

[دمعة أهل البيت]

شكرا جزيلا على القصيده
جزاك الله خير الجزاء

[الشاعر ابو لقاء البهادلي]

اللهم ربي يحفظك ويرعاك

وشكرا على كلماتك ومرورك

[احزان كربلاء]

بارك الله فيك اخي

سلمت وسلم قلمك اللامع

بنتضار القادم بشوق

[الشاعر ابو لقاء البهادلي]

يارك الله بك واشكرك جزيل الشكر على مرورك

واعذريني لعدم الرد المستمر على مرورك

لك شكري وتقديري

واكرر اعتذاري

[محب الرسول]

تسلم على الاختيار والطرح
يعطيك ربي العافية على جهودك
دوووم الابداااع والتآلق بالعطاء
موفقين ..

[الشاعر ابو لقاء البهادلي]

اعتذر لتاخيري عن الرد على مروك الكريم

تقبل شكري واعتذاري