الى عشاق الحسين (ع)

[شيعيه والفخر ليه]

مع كل طير --ومع كل نسمة الهواء -- ومع كل قطرة مطر --ومع كل نور

في اليل والنهار --أبعث قلبي محمل بأغلى سلام الى حبيبي ونور فؤادي

أمامي سيدي ومولاي الحسين (عليه السلام) وأهدي هذه القصيده الى

كل من يعشق الحسين وينبض قلبه لزيارته ويشتاق الى عطر قبره

الشريف---تقبلوا تحياتي--

قصيدتي بعنوان ###(أنا والحسين)###

أشكد دروس أتعلمت منك حسين

هالأمم وتعلمت من كربلاء-

قبله صارت للبشر أرض الطفوف

وزحف جتي العتبتك تبغي الولاء

عبر نسجتهه أمس حد السيوف

وعالسمه أبدم أنكتب أنت الوفاء

ذبح نحرك سيدي وكطع الجفوف

علمتنه التضحيه يعني البقاء

وصرنه منك ننظر بيك ونشوف

أذن بيك اتنورت أرض وسماء

موعجب الأكوان يم كبرك تطوف

ولا غريبه بحضرتك جت الأنبياء

ويلملائكة السمه تنزل صفوف

ولاجديده تربتك بيهه الشفاء

فطرس أبمهدك أمس طال الوقوف

ولجل عينك سيدي أنشال البلاء

حكنه من نكصد ألك نزحف ألوف

نعرف أبحضرتك مقبول الدعاء

جينه متلهفين ألك وبلايه خوف

فدوه ألك الأرواح كلهه وهالدماء

للأبد مولاي مانكدر نعوف

أنت يالبينه الحياة أنت الهواء

ظلمه من غيرك نتيه ومانشوف

والشمس من نورك أنت أخذت ضياء

عشره عاشور أنكتب بعظم حروف

وكل أرض بالكون صارت كربلاء

أذن دنيانه أصبحت كلشي حسين

والحسين أصبح طريق الأتقياء

ومنهو مثل أحسين لجل أحنه نعوف

وأمه بنت المصطفى خير النساء

........................................ ......