يبن خاتم الانبياء ** يبن سيد الاوصياء

[الشاعر ابو لقاء البهادلي]

بسم الله الرحمن الرحيم

اللهم صل على محمد وال محمد وعجل فرجهم وارزقنا شفاعتهم ياكريم

اللهم ارزقنا شفاعة الحسين في الاخـــــــــــــــــــرة وزيارته في الدنيا



يبن خاتم الانبياء ** يبن سيد الاوصياء
*********

بدمك الطاهر طريق أنت أرسمت

لجل هذه الدين نحرك قدمــــــت

تبقه خالد للأبد لامامتــــــــــــت

كعبه صارت كربلاء** يبن خاتم الانبياء

********

والله ذلينه بمحبتك هــــــالطغاة

وما نخاف من المنايه والممات

عدنه حب حسين معناه الحياة

يبقه ثابت هالولاء ** يبن خاتم الانبياء

************

التمت اليوم النواصب واليــــهود

تريد قلب الشيعه عن حبك يهود

تبقه دوم الشيعه توفي بـالعهــود

كلنه نصبحلك فداء ** يبن خاتم الانبياء

*************
من غدرهم صار موطنه جريــح

ياما فجرونه ورادونه نطيــــــح

نبقه نهتف دوم يحسين ونصيح

باسمك ايرف اللواء ** يبن خاتم الانبياء

*******************

كل ارضنه اليوم صارت كربله

عاد لينه ايزيد ردت كــــل هله

تريدنه حب الحسين انــــبدله

ترخص بحبك دماء ** يبن خاتم الانبياء

*******************

انت مصباح الهده وسط الظلام

وانت عنوان المحبه والســـلام

ناحت اعليك الملك ناح الحمام

وبالدمه تنوح السماء ** يبن خاتم الانبياء

********************

كلنه حطينه المنايه اعلــــه الصـــدور

فدوه لجلك سيدي اجســــــــــاد ونحور

من اجل هالمعتقد نصبح جســــــــور

بتربتك نلكه الشفاء ** يبن خاتم الانبياء

*******************

قسم نقسم دوم باسمك ياحســــين

تبقه منهاج ورمز للــــــــــــثائرين

وابد ماننسه القضيه ولانـــــــلين

بيك مضمون بالدعاء ** يبن خاتم الانبياء

*****************

[حسينية فاطمية]

[الشاعر ابو لقاء البهادلي]

والله حيرتموني بردودكم المباركه وتصاميمكم الروعه

اما انا كما قلت سابقا لا املك غير الدعـــــــــاء والقلم

اسأل الله تعالى بحق الحسين عليه السلام ان يحقق لك

ماترغبين وان يوفقك لمراضيــــــــــــــــــــــــــــــــــــــه

واعتذر عن عدم الرد على كل مرورك

[احزان كربلاء]

كلــمات رائــعـه ..

ابدعتــــ ياغاليــــ بطرحكـ المميز ..

سلمت اناملكـ..

لكـ ودي ..

[الشاعر ابو لقاء البهادلي]

اشكرك ياحزان كربلاء على كل شيء

بارك الله بك وبهذا المنتدى الميارك

واعذروني عن عدم الرد على ردودكم التي تدخل القلب بلا استئذان