امي الحنينه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • الشاعر ابو لقاء البهادلي
    • Feb 2013
    • 393

    امي الحنينه

    بسم الله الرحمن الرحيم

    اللهم صل على محمد وال محمد ووفقنا لخدمتهم

    هذه القصيدة من القصائد المفتوحة وهي من البحر الطويل

    وقد اسميتها اشكد طيبه وحنينه امي


    من اشم عطر الورد ارتاح ** لان عطر الورد يشبه عطر امي

    من دمهه انوجد دمي ** وبالــــــــحب والحنان اتزيح كل همي


    اشكد طيبه وحنينه امي

    زهره امي بعطر قداح *** اسمهه من البــتول وفاح

    تحت اقدامهه الجنه *** تنكط غيره وامــــــــــحنه

    سمتني عبد لحسين *** اني اوياهه منذوريــــــن

    عالفطره تعيش امي *** اشكد طيبه وحنينه امــي

    سهرت هاليالي اطوال *** وصارتلي نغــــــم موال

    حبهه جن عطر ريحان *** ماظن توصفه الاوزان

    تهفيلي برموش العين *** تلولي بنشيد حـــــــسين

    فقيره ونادره امي **** اشكـــــد طيبه وحنينه امي

    امر الرضعتني الطيب ** جروحي وي ذكرهه اطيب

    عشت اوياهه احله ايام *** ولجلي اتحمــــلت الام

    تحزن لو يهل دمعي ** تشور امي من تـــــــــدعي

    لان كلش عفيفه امي **** اشكد طيبه وحنينه امي

    فرشتلي طريقي اورود *** بما تملك عليه اجود

    تغفه بساعة الاغفه ** وربتني علــــــــــى العفه

    بحبهه الظلمه تضويلي *** ليل انهار تــــــــدعيلي

    تدعي بالكلب امي **** اشكد طيبه وحنينه امي

    جانت عيشتي انظيفه *** رغم حالتنه الاضعـــيفه

    حنان العدهه اصبح تاج *** ماخلتني ابد محتاج

    تلح دوم وتكلي اقره *** اريدن بيـــــــك مفتخره

    امي المدرسه امي **** اشكد طيبه وحنينه امي

    شما اكبر اظل اصغير *** ومن اطلـــع تلوب اتحير

    عني تسال الاصحاب *** وتبــــــقه تنتظر عالباب

    اشعر كلبي يوجعني ** لان ادريــــــــــهه تنطرني

    مااكدر اجازي امي **** اشكد طيبه وحنينه امي

    امي فلسفله واعراف *** نسبهه بيه جثيره اشراف

    امي ام عراقيه *** فراته ودجلـــــــــــــــــــته هيه

    هيه اجبالنه والهور ** امي الكاع والناعــــــــــــور

    ما انسه ابد امي *** اشكد طيبه وحنينه امـــي

    مااجمل معانيهه *** ريحـــــــــــــــة كل هلي بيهه

    تشبه روج المشرح *** تطير بــــــشوك لو افرح

    بوجهه الكه الابشاره *** طيبه امـــي من العماره

    اصيله من الجنوب امي **** اشكد طيبه وحنينه امي

    جن ايحاء عدهه امي *** بيوم اختارته الاســـــــــــــمي

    صرت اكتب شعر لحسين *** واخدمه بالكلب والعيـــن

    وادعي يغفر الباري *** الزهره بت حســـــــــن جاري

    بعطفه يلتفت لامي **** اشكد طيبه وحنينــــه امي

    ******************************

    الله يرحم امواتكم جميعا ويجازيهم بالاحسان احسانا

    وبالسيئات غفرانا
  • احزان كربلاء
    • Feb 2010
    • 5533

    #2
    الأم كلمه نعجز ان نفسرها وكلما كتبنا لن نفيها حقها
    كلمات راقيه من قلم ولائي ينبض ابداعا وتميزا
    شكرا قليله بحق هذا الابداع حقا
    فاسمح لي ان ادعو بهذا الدعاء (اللهم اغفر لي ولوالدي وارحمهما كما ربياني صغيرا واجزهما بالاحسان احسانا وبالأساءة غفرانا) يارب اسألك بحق محمد وال محمد وفق الاخ الشاعر ونسألكم الدعاء

    تعليق

    • محب الرسول

      • Dec 2008
      • 28579

      #3
      تسلم على الاختيار والطرح
      يعطيك ربي العافية على جهودك
      دوووم الابداااع والتآلق بالعطاء
      موفقين ..

      تعليق

      • الشاعر ابو لقاء البهادلي
        • Feb 2013
        • 393

        #4
        لقد عجزت حتى الكلمات والعبارات المنمقه ان تفي بما تردين به على قصائدي

        شعرت بدمعة فرح تغفى في جفوني وانا افرأ الدعاء الذي دعوت به لي

        وفقك الله لكل خير وجعلك من الصالحين

        ادعو الله تعالى ان يغفر لك ولوالديك ويرحمهما كما ربياك صغيرا

        ويرزقكم شفاغة الحسين عليه السلام

        تعليق

        يعمل...
        X