تويت
بسم الله الرحمن الرحيم
السلام عليكم
اليوم حشرحلكم طريقة البث بالنانو ستيشن Nano Station
المرحلة الاولى : نغير ايبيات الحاسبة والسب نيت ماسك (SuNet Mask) الى الرينج الي هو ضمن رينج الايبي مال نانو
وعادة النانو الDufult مالته هو :
ip : 192.168.1.20
sub : 255.255.255.0
فنخلي ايبي للحاسبة
كالتالي ip: 192 .168 .1 .(2---254) & Sub : 255.255.255.0
ملاحضة نخلي ايبي للحاسبة من 2 - 254 وماعدا الرقم 20
هسة طبعا نربط النانو بالحاسبة ونشغله ونفتح الانترنيت براوسر (internet browser)
ونكتب الايبي مال النانو الافتراضي الة هو 192.168.1.20
راح يطلب يوزر نيم وباسود والديفولت مال نانو هم
User : ubnt
Pass : ubnt
هسة خلصت المرحلة الاولى
المرحلة الثانية :
بعد ان دخلنا للنانو نبدي الان بالخطوات التالة :
1- نروح الى ال Link Setup
2- WireLess Mode ونختار منها Station.....( علمود نسوي بحث للاشارات الموجودة بالجو والقريبة من عدنا )
طبعا انت كصاحب منظومة لازم تعرف اسماء الاشارات للمنظومات القريبة من يمك يعني بحدود ال100 - 400 متر
هسة تجيب ورقة وقلم يمك وراها تسوي سيرج بعد ان خلص السيرج دور على اسماء الاشارات القريبة من يمك
وسجل كل واحد على يا جنل يبث.............علمود انت تبث على غير جنل وهذا الشي لصالحك ولصالحهم.
واترككم مع الصور
3- هسة ورة مسجلت كل الجنلات تروح مرة اللخ على ال WireLess Mode
ونختار Access Point
ورة متختار دوس على "Change"
ملاحضة: اي شي نسويه دوس وراه "Change " علمود يصير التغيير
4- نروح على ال "SSID" والي نكتب بيه اسم الاشارة الي راح نبث بيها .....يعني اسم اشارتنا بالجو.
5- نروح على Country Code ونختار الدولة الي نريد والافضل نخلي غير ال united state لان اغلب الناس
يعني اصحاب المنظومات يبثون على ال united state . وطبعا مرة متغيرهم هم نروح وندوس Change
6- هسة نروح على ال "Channel" ونغير الجنل ومثل مسوينا بالخطور رقم 2 وسجلنا الجنلات بورقة
نختار جنل علمود نبث بيه يكون بعيد عن الجنلات الrقريبة من عدنا.
7- هسة نروح على الخانة ال Obey Regulatory power ونشيل السهم
8- نروح الى Output Power ونزيدها الى اعلى شي
وراها ندوس Change
9- هسة نروح الى ال Network وراها على حقل ال Nwteork Mode ونختار Bridge
10- نروح على Bridge Ip Address
ونختار منها اما الايبي يدوي واما اوتوماتيكي( يعني الراوتر -السيرفر- يوزعه اوتوماتيكيا)
بس المهم جدا هو ان تبدل اليبيات مال نانو علمود لا يصير تضارب بينه وبين ايبيات غير جهاز (نانو -بلت -اير لايف - ايرماكس) اذا عندك او عند المشتركين
وراها ندوس Change
11- هسة نروح على Advanced ومن عدها على حقل ال Distance
ونزيدها الى اعلى قيمة
12- هسة نروح الى حقل Antenna Settings ونختار منها الاستقطاب الي اريد ابث عليه
افقي او عمودي.
وراها ندوس Change
13- هسة نروح على System ومن ثم على حقل ال Host name
ونغير الاسم ونكتب الاسم الي نريد نسميه لهذا الجهاز " ملاحضة : هذا الاسم ما اله علاقة باسم الاشارة الي راح يشوفوها الناس"
وراها ندوس Change
14 - اهم خطوة الي هي نغير الUser Name والPassWord
عادة الافتراضي "Defult" للنانو هم
User: ubnt
pass: ubnt
غيرهم وسويهم مثل متريد وراها دوس Change
اخر خطوة شيل واير اللان من الحاسبة وخليه بال Switch ..............و هسة رسميا عندك اشارة بالجو على التردد 5.8 ودتنبث بواسطة النانو ستيشن.
الى هنا خلصت الشرح وحاولت قدر الامكان ان اشرح بالتفصيل الممل.....ويارب تستفادون منة
تعليق